Урьдчилсан мэдээгээр арванхоёрдугаар сард нутгийн зүүн болон говийн аймгийн нутгууд олон жилийн дунджаас 1-2 градусаар дулаан, бусад нутгаар олон жилийн дунджийн орчим байхаар байна. Хур тунадасны хувьд нийт нутгаар олон жилийн дундажтай ойролцоо байх төлөвтэй байна.
Нэгдүгээр сард агаарын температур олон жилийн дунджийн орчим, хур тунадас нутгийн баруун өмнө хэсэг буюу Алтайн өвөр талаар олон жилийн дунджаас ахиу, бусад нутгаар дунджийн орчим байхаар байна.
Хоёрдугаар сард мөн адил нутгийн зүүн хэсэг дулаан, бусад нутгаар олон жилийн дунджийн орчим температуртай, хур тунадас мөн дундаж байна.
Монгол орны агаарын урсгал баруун, баруун хойноос чиглэлтэй байдаг тул Туйлын агаарыг Монголын нутаг дэвсгэр рүү оруулах гол хүчин зүйл болдог Уралын нурууны нөлөө энэ сарын сүүл болон арванхоёрдугаар сардаа сулхан байх төлөвтэй байна. Нэгдүгээр сараас Сибирийн их даралтын орон эрчимжих хэдий ч ихэнх нутгаар нутгаар олон жилийн дунджийн орчим температуртай байх төлөв гарчээ.
Монгол орны жилийн дундаж температур 0.2°С, өвлийн улирлын дундаж температур -10°…-30°С. Үнэмлэхүй бага температур -28°С-аас -54°С хүрч хүйтэрдэг байна.
Эх сурвалж: ЦУОШГ
