Аугаа Гиппократ “Бид нар чинь идсэн хоол юм” гэж хэлсэн гэдэг. Орчин үеийн эмч нар түүн дээр тодорхой нөхцлийг нэмдэг. Бидний хоол унд чанараас гадна бидний өөрсдийн зуршлаар үнэлэгдэнэ. Доорхи хэдэн арга нь хоол боловсруулахад бидэнд хамгийн чухал зүйлүүд болно. Ингээд хооллосны дараа...
Спорт ба зугаалга
Хооллосны дараа спортоор хичээллэх хүсэл төрөөд байдаггүй. Харин хоолны дараа зугаалах гэсэн домог эртнээс хүнд суулгагдсан байгаа. Та түүнийг хийснээр хоолны шингэлтэд тус болно гэж санадаг болов уу. Харин ч эсрэгээр хоол боловсруулалтыг таслана гэсэн үг юм. Хооллосны дараа наад зах нь хагас цагийн дараа зугаалах хэрэгтэй гэнэ.
Цай, жимс
Цайнд хоолны боловсруулалтад саадтай хүчил байдаг. Хооллосны дараа цай уухаа зогсоох хэрэгтэйг эмч нар хэлж байна. Энэ зөвөлгөөг хүлээн авснаар жингээ хасахад ч тустай. Жимсийг бол дараа нь тусгайлан хоол болгох хэрэгтэй. Учир нь жимс ходоодонд бусад бүтээгдэхүүнтэй нийлээд эсэрдэж эхлэх бөгөөд ийм нөхцөлд хоол энгийн боловсроно гэх зүйл үгүй болдог.
Янжуур
Хоолны дараа тамхичид янжуур сороод суух дуртай. Гэтэл болохгүй аж. Хоол авсан организмыг никотин улам сулруулна.
Эрүүл биш нойр
Хоолны дараа эрүүл хүний нойр хүрэхгүй. Таарсан хоолны хэмжээ нь организмыг сэргээнэ. Хооллоод хэвтэх нь ер нь буруу. Хоол боловсруулах шүүс нь эргээд бүдүүн гэдэс рүү нүүнэ. Үүний улмаас хоол боловсорч шингэх нь хүндрэлтэй.
Усанд орох
Оройн хоолоо идээд усанд орохоор яарсны хэрэггүй. Халуун ус цусны урсгалыг арьс зэргийн гадна хэсэг рүү идэвхжүүлнэ. Яг хэрэгтэй үедээ ходоод цусны дутагдалд орно. Тиймээс хоол боловсрох, шингэх талын яриа энд утгагүй болно.
М.Цогт
