Спорт
Бөхийн өргөөнд гурван өдөр дараалан барилдаантай
Өнөөдөр Монгол Улсад нисэх хүчний салбарын түүхт 100 жилийн ойд зориулсан дархан аварга цолны хүндэтгэлийн улс, аймаг, цэргийн цолтой хүчит 128 бөхийн барилдаан болно.
2025-05-23
Шатрын улсын аварга шалгаруулах хагас шигшээ тэмцээн эхэллээ
Улсын аварга шалгаруулах эрэгтэйчүүдийн 63, эмэгтэйчүүдийн 55 дахь удаагийн тэмцээний хагас шигшээ тоглолт эхэллээ. Тэмцээн зургаа хоног үргэлжилж, 11 өргийн дараа ангилал тус бүрийн шилдэг 11 шатарчин тодорно.
2025-05-23
Данийн шигшээ Канадыг хожиж хагас шигшээд шалгарлаа
Хоккейн дэлхийн аварга шалгаруулах тэмцээний шөвгийн наймын шатанд Данийн шигшээ баг Канадын хүчирхэг багийг 2:1 харьцаагаар буулган авч, шуугиан тарьлаа. Тоглолт Данийн Хернинг хотод болж, тоглолтын сүүлийн минутуудад Николай Элерс (58 дахь минут), Ник Олесен (60 дахь минут) нарын гоолоор Даничууд ялалт байгуулав. Канадын цорын ганц гоолыг Трэвис Сэнхайм 46 дахь минутанд оруулсан юм.
2025-05-23
Нисэх хүчний 100 жилийн ойд зориулсан дархан аваргын хүндэтгэлийн барилдаан болно
Монгол Улсад нисэх хүчин үүсэж хөгжсөний түүхт 100 жилийн ойг тохиолдуулан Дархан аварга цолны хүндэтгэлийн Улс, аймгийн алдар цолтой хүчит 128 бөхийн барилдаан тавдугаар сарын 23-ны 13:00 цагаас Монгол бөхийн өргөөнд зохион байгуулагдана.
2025-05-22
Монголын пауэрлифтингчид дэлхийн аваргаас найман медаль хүртлээ
Норвегийн Драммен хотод болсон пауэрлифтингийн хэвтээ шахалтын дэлхийн аварга шалгаруулах тэмцээнд Монгол Улсын баг тамирчид найман медаль хүртэж, тив дэлхийн тавцанд бахдам амжилт гаргалаа. Тэмцээнд Гавьяат дасгалжуулагч Д.Баттулгын удирдлага дор оролцсон манай баг өндөр амжилтаар эх орныхоо нэрийг дэлхийн спортын тавцанд дуурсгав.
2025-05-22
“Хасын Хүлэгүүд” баг Зүүн Азийн Супер лигт өрсөлдөх Монголын анхны баг боллоо
Монголын сагсан бөмбөгийн спортод шинэ түүх бичигдэж, “Хасын Хүлэгүүд” баг Зүүн Азийн Супер лиг (EASL)-т оролцох анхны монгол баг болж тодорлоо. Энэ нь тус багийн 21 жилийн оргил амжилтын нэг бөгөөд олон улсын тавцанд Монголын сагсан бөмбөгийн чансааг харуулах хариуцлагатай үүрэг хүлээж байна.
2025-05-22
“Улаанбаатар марафон 2025” өдөр дараах замуудыг түр хаана
Олон улсын гүйлтийн өдөр тохиож буй “Улаанбаатар марафон 2025” арга хэмжээ тавдугаар сарын 24-ний өдөр зохион байгуулагдана. Үүнтэй холбогдуулан 06:00–18:00 цагийн хооронд дараах авто зам, уулзварыг түр хугацаанд хаахаар болжээ.
2025-05-22
“Улаанбаатар опен” тэмцээн Буянт-Ухаад болно
Дэлхийн бөхийн нэгдсэн холбооноос жил бүр зохион байгуулдаг өндөр зэрэглэлийн зургаан тэмцээний нэг болох чансааны оноо олгох цувралын тэмцээн энэ удаа Монгол Улсад болно. “Улаанбаатар опен” нэртэй уг тэмцээн тавдугаар сарын 29-нөөс зургадугаар сарын 1-ний хооронд Буянт-Ухаа спортын ордонд зохиогдох бөгөөд дэлхийн 17 орны 350 гаруй шилдэг тамирчин оролцохоор бүртгүүлээд байна.
2025-05-22
Хөвсгөл аймгийн баг тамирчдад амжилт хүсэх хүндэтгэлийн ёслол боллоо
Монголын Хүүхдийн спортын VIII их наадмын зуны төрөлд оролцох Хөвсгөл аймгийн баг тамирчдад амжилт хүсэх хүндэтгэлийн ёслол өнөөдөр Мөрөн суманд боллоо. Энэхүү ёслол нь хүүхэд, залуучуудын спортыг дэмжих, орон нутгийн нэр хүндийг өргөх, тамирчдад урам зориг өгөхөд чиглэсэн онцгой арга хэмжээ байв.
2025-05-22
“Тоттенхэм” Европын лигийн аваргаар тодорч, Аваргуудын лигт өрсөлдөх эрх авлаа
Английн “Тоттенхэм Хотспур” баг Европын лигийн 2024 оны тэмцээний финалд “Манчестер Юнайтед”-ыг 1:0 харьцаагаар ялж, аваргын цомыг хүртлээ. Тоглолт Испанийн Бильбао хотын “Сан-Мамес” цэнгэлдэх хүрээлэнд болж, 42 дахь минутанд Бреннан Жонсон оруулсан цорын ганц гоолоор шийдэгдсэн юм.
2025-05-22
Магнус Карлсен 143 мянган шатарчинтай хийсэн түүхэн тоглолтыг тэнцээгээр өндөрлүүллээ
Дэлхийн шатрын түүхэнд анх удаа 143 мянган оролцогчтой халз тулаанд орсон домогт их мастер Магнус Карлсен дэлхий даяарх шатар сонирхогчдын эсрэг хийсэн цахим тоглолтоо тэнцээгээр дуусгалаа. “Chess.com” платформын зохион байгуулсан уг тоглолт “Магнус Карлсен vs. Дэлхий” нэртэйгээр дөрөвдүгээр сарын 4-нд эхэлсэн бөгөөд оролцогч бүр дараагийн нүүдлийг санал хураалтаар шийдвэрлэж, өдөр бүр нэг нүүдэл хийж байв.
2025-05-21
“Улаанбаатар марафон-2025” уралдаанд 23 мянга гаруй хүн бүртгүүлжээ
Жил бүр уламжлал болгон зохион байгуулдаг “Улаанбаатар марафон-2025” уралдаанд энэ жил 23,000 гаруй оролцогч бүртгүүлсэн байна. Оролцогчдын дийлэнх нь буюу 14,000 хүн эрүүл мэндийн гүйлтийн төрөл болох 5 км-ийн зайг сонгожээ.
2025-05-21
Хүүхдийн марафоныг Үндэсний цэцэрлэгт хүрээлэнд зохион байгуулна
Хүний эрхийн Үндэсний Комиссоос “Хүүхэд бүр ялагч — Хүүхэд бүр хамгаалагч” уриан дор хүүхдийн марафоныг хоёр дахь удаагаа 2025 оны тавдугаар сарын 31-ний өдөр Үндэсний цэцэрлэгт хүрээлэнгийн “Цагдаа” талбайд зохион байгуулах гэж байна.
2025-05-21
Өсвөрийн тамирчдаас анх удаа үндэсний хэмжээний суурь судалгаа авч байна
Биеийн тамир, спортын улсын хороо болон Спортын анагаах ухаан, эрдэм шинжилгээний төв хамтран 2025 оны тавдугаар сарын 12-22-ны өдрүүдэд Увс, Завхан, Архангай аймгуудын өсвөрийн шигшээ багийн тамирчдаас сорил, судалгаа авч, багш, дасгалжуулагч, арга зүйч нарт зориулсан сургалт зохион байгуулж байна. Энэхүү ажлын хүрээнд өсвөр насны хүүхдийн биеийн хөгжлийн онцлог, бэлтгэл сургуулилтын шинжлэх ухааны үндэс, спортын анагаах ухааны мэдлэгийг түгээн дэлгэрүүлэх зорилго тавин ажиллаж байгаа юм.
2025-05-20
Монголын лигийн аварга Зүүн Азийн супер лигт өрсөлдөнө
Монголын сагсан бөмбөгийн үндэсний дээд лигийн 2024-2025 оны улирлын аварга тун удахгүй тодрох гэж байна. Финалын шатанд “Хасын Хүлэгүүд”, “Бишрэлт Металл” багууд шалгарч үлдээд буй бөгөөд одоогоор “Хасын Хүлэгүүд” 3:2-оор тэргүүлж, цом өргөхөд ганцхан ялалт үлдээд байна. Тэд тав дахь тоглолтод өрсөлдөгчөө 84:48 онооны харьцаатай буулган авсан юм.
2025-05-20
Монголын марафончид Токио-2025 дэлхийн аваргад хүч үзнэ
Хөнгөн атлетикийн насанд хүрэгчдийн дэлхийн аварга шалгаруулах тэмцээн энэ оны есдүгээр сард Японы Токио хотод эхэлнэ. Монгол Улсаас марафоны төрөлд дөрвөн шилдэг тамирчин оролцох эрхээ авсан байна.
2025-05-20
Ц.Отгондалай пауэрлифтингийн дэлхийн гурван удаагийн аварга боллоо
Норвегийн Хаант Улсын Драммен хотноо болж буй пауэрлифтингийн дэлхийн аварга шалгаруулах тэмцээнд Хөвсгөл аймгийн тамирчин, ОУХМ Цэнд-Аюушийн Отгондалай амжилттай оролцож, мастер 1 ангиллын -93 кг жинд 205 кг шахан түрүүлж, дэлхийн аваргын гурав дахь алтан медалиа хүртлээ.
2025-05-20
“Улаанбаатар марафон 2025”-ын бүртгэл маргааш дуусна
Энэ сарын 24-ний бямба гаригт болох “Улаанбаатар марафон 2025” олон улсын гүйлтийн бүртгэл маргааш дуусна. Өнөөдрийн байдлаар 17,744 хүн гүйхээр бүртгүүлээд байна.
2025-05-19
Монголын хоёр уулчин Эверестийн оргилд амжилттай хүрлээ
Дэлхийн хамгийн өндөр цэг гэгддэг, далайн төвшнөөс дээш 8848 метр өндөр Эверестийн оргилд Монголын уулчид болох олон улсын хэмжээний мастер А.Баттогтох, Б.Батхишиг нар 2025 оны тавдугаар сарын 19-ний өдөр амжилттай гарч, Монгол Улсын уулын спортын түүхэнд нэрээ мөнхөллөө. Тэд ийнхүү дэлхийн дээвэрт хүрсэн Монголын 15, 16 дахь уулчин болж байна.
2025-05-19
Монголын байт харваачид БНСУ-ыг зорилоо
Байт харвааны олон улсын тэмцээн тавдугаар сарын 19–26-ны хооронд БНСУ-ын Инчеон хотод болох бөгөөд Монгол Улсаас Үндэсний шигшээ багийн найман тамирчин оролцохоор өнөөдөр тус хотыг зорилоо.
2025-05-19
