Монголын "Хүннү” рок урсгалаар бүтээл туурвиж, дэлхийг байлдан дагуулж буй “The Hu” хамтлагийнхан өнөөдөр Европийг зорилоо. Тэд 60 гаруй улсаар аялан тоглолт хийх бөгөөд Европ дахь аялан тоглолтоо энэ сарын 6-нд Германы Берлин хотоос эхлэх юм. Дэлхийд нэрээ цуурайтуулж буй Монголын “Хү” хамтлаг анхны цомог, анхны тоглолтоо “Гэрэг” хэмээн нэрлэж, тавдугаар сарын 23-нд “White Rock” центрт хийсэн. Тус хамтлагийн “Wolf Totem” дуу нь "Billboard Chart"-ийн  “Hot Rock Songs” жагсаалтын 22-т жагссан байна. Мөн “Hard Rock Digital Song” төрлийн “Sales” дуу нь буюу хард рок дууны дижитал борлуулалтын жагсаалтыг тэргүүлжээ.