Умард Солонгос руу өнгөрсөн онд дрон илгээхэд тусалсан гэх үндэслэлээр Өмнөд Солонгосын Ерөнхийлөгч асан Юн Сог Ёльд даваа гарагт тусгай зөвлөх багаас нэмэлт ял тулгажээ. 

Тусгай зөвлөх Чо Ын Сукийн ахалсан баг мөн "Умард Солонгосыг хариу арга хэмжээ авахад хүргэснээр 12 дугаар сард онц байдал зарлах шалтаг болгон ашиглах зорилгоор Юн Сог Ёлийн гаргасан тушаалтай холбогдуулан "эрх мэдлээ урвуулан ашигласан" хэрэгт буруутгасан байна.

Тусгай зөвлөх багийнхан Юн Сог Ёлийн онц байдал зарлах оролдлоготой холбоотой янз бүрийн баримт бичгүүдийг шалгаж байгаа юм. Өмнө нь мөрдөгчид нэгдүгээр сард өөрийг нь саатуулахад саад учруулсан, зарлигийг зарлах явцад Засгийн газрын гишүүдийн эрхийг зөрчсөн хэргээр буруутгажээ. 

Юн Сог Ёлийг мөн прокурорууд онд байдал зарлахыг оролдсоноор бослого гаргасан хэргээр ял тулгаад байгаа бөгөөд энэ оны долоодугаар сараас хойш шүүх хуралд оролцох хугацаандаа хоригдсоор байна.

Тусгай зөвлөх баг мөн Батлан ​​​​хамгаалахын сайд асан Ким Ён Хён, Батлан ​​​​хамгаалахын сөрөг тагнуулын командлалын дарга асан Ёо Ин Хён нарыг дроны хэрэгт холбогдуулан дайсанд тусалсан, эрх мэдлээ урвуулан ашигласан хэргээр ялласан гэж мэдэгджээ.

Мөн Дроны ажиллагааны командлалын дарга Ким Ён Дэ-г албан ёсны үүрэг гүйцэтгэхэд саад учруулсан, албаны хуурамч баримт бичиг боловсруулахыг шаардсан хэргээр саатуулахгүйгээр ялласан байна.

Юн Сог Ёлийн хэргийн тухайд, тусгай зөвлөх баг гадаадын түрэмгийллийг өдөөн хатгасан хэргээр яллах талаар авч үзэж байгаа талаар өмнө нь мэдээлж байсан бөгөөд ингэхийн тулд түүнийг дайсагнагч улстай хуйвалдсан гэсэн нотлох баримт шаардлагатай байжээ.

Эх сурвалж: Yonhap