Apple компани хиймэл оюуны салбарт байр сууриа бататгах зорилгоор Perplexity AI компанийг худалдан авах хэлэлцээр эхлүүлсэн талаар Bloomberg агентлаг мэдээллээ. Энэхүү чат-платформыг Белорус гаралтай Денис Ярац байгуулсан бөгөөд зах зээлд өндөр үнэлгээтэй, хайлтын систем болон хэрэглэгчийн харилцан үйлдлийг дэмжих чадвараараа онцлогтой юм.
Perplexity AI-г зах зээлд 14 тэрбум ам.доллараар үнэлээд байгаа бөгөөд хэрэв энэхүү наймаа бодитоор хэрэгжвэл тус стартапын хувьд түүхэн дэх хамгийн том гэрээ болох аж. Apple-ийн энэхүү үйлдэл нь Google-ээс хараат байдлаа бууруулж, өөрийн хиймэл оюунд суурилсан хайлтын платформыг бий болгох зорилготой гэх таамаг бий. Энэ нь iPhone, iOS зэрэг экосистемд илүү гүнзгий AI интеграц оруулах стратегийн хэсэг байж болох юм.
Мөн Samsung компани Perplexity-тай хамтарч хайлтын систем хөгжүүлэх сонирхолтой байгаагаа илэрхийлсэн бол PayPal ч тус стартаптай стратегийн түвшинд холбогдоод байгаа аж.
Эх сурвалж: blogdoiphone
