Samsung компани энэ сарын дундуур Galaxy S25 Edge загварын ухаалаг утсаа танилцуулсан ч, уг төхөөрөмж хэрэглэгчдийн хүлээлтийг бүрэн хангаж чадсангүй. Самсунгийн технологийн шинэ шийдэл, гоёмсог загвар, үзүүлэлтийг сайшаасан ч, туршилтад оролцсон SamMobile хэвлэлийн дөрвөн сэтгүүлчийн гурав нь утасны зай хураагуурын хүчин чадал хангалтгүй байгааг хамгийн том дутагдал хэмээн дүгнэжээ.

Тэдний ярьснаар, Galaxy S25 Edge утас өглөө бүрэн цэнэгтэй эхэлсэн ч үдээс хойш гэхэд дахин цэнэглэхээс аргагүй нөхцөл үүсч байсан аж. Самсунг уг загвараа бүтэн өдөр цэнэглэлтгүй ажиллах чадвартай гэж танилцуулсан ч, туршилтаар энэ амлалтыг хангалгүй, хэрэглэгчийг өдрийн дунд дахин цэнэглэлт хийх шаардлагатай байдалд хүргэсэн байна. Туршилтад оролцсон ганцхан сэтгүүлч л энэ утсыг “хангалттай хугацаанд ажиллаж байна” гэж үзсэн нь ихэнхийн сэтгэл ханамжийг илтгээгүйг харуулж байна.

Тус утасны 3900 миллиампер-цагийн багтаамжтай батарей нь ижил түвшний бусад ухаалаг утаснуудаас хүчин чадлын хувьд хоцорч байгаа бөгөөд мэргэжилтнүүд үүнийг хэт нимгэн загвар гаргахын тулд Samsung компани золиос хийсэн хэмээн үзэж байна. SamMobile-ийн сэтгүүлчид "Ийм багтаамжтай батарей тавьж байгаа бол зүгээр л гэмт хэрэг" хэмээн хурц шүүмжилсэн нь хэрэглэгчдийн бухимдлыг илэрхийлсэн байр суурь байв.

Galaxy S25 Edge загварын Европ дахь үнэ 1240 евро буюу өндөр үнэтэй байгаа нь хэрэглэгчийн хувьд илүү найдвартай ажиллагаа хүлээх шалтаг болж буй. Гэвч энэ үнэ ханшаар бат бөх ажиллагаа, цэнэг барилтын хувьд хэрэглэгчдэд итгэл төрүүлэх түвшинд хүрч чадаагүй нь тус утасны хамгийн том сул тал хэмээн дүгнэгдэж байна.

Эх сурвалж: SamMobile.