Хятадын баруун хойд нутагт нисгэгчгүй тээврийн зориулалттай CH-YH1000 хэмээх дроны анхны туршилтын нислэгийг амжилттай гүйцэтгэсэн талаар албан ёсоор мэдээлжээ. Энэхүү нисгэгчгүй онгоц нь логистикийн зориулалтаар бүтээгдсэн бөгөөд Хятадын дотоодын инженерчлэлийн хүчин чармайлтыг харуулсан чухал амжилт гэж үзэж байна.

Туршилтын үеэр CH-YH1000 дрон нийт 1500 км замыг туулж, 8000 метрийн өндөрт 10 цагийн турш тогтвортой нислэг хийсэн байна. Тус төхөөрөмж нь 1200 кг хүртэлх ачааг зөөвөрлөх чадалтай бөгөөд энэ нь нисгэгчгүй нисэх төхөөрөмжийн хувьд тун өндөр үзүүлэлт юм. Туршилтын явцад дрон бүх тавигдсан үзүүлэлт, ажиллагааны шалгуурыг хангаж, ирээдүйд агаарын логистикийн чиглэлээр өргөн хүрээтэй ашиглах боломжтойг харуулжээ.

Энэ төрлийн дрон нь хүнд даацын ачаа тээвэрлэх, алслагдсан бүс нутагт бараа бүтээгдэхүүн хүргэх зэрэгт үр ашигтай байхаар төлөвлөгдөж байгаа бөгөөд Хятадын ложистикийн салбарт технологийн томоохон ахиц дэвшлийг авчирна гэж шинжээчид үзэж байна.

Эх сурвалж: Vz.ru