Google корпорац видео бүтээх хиймэл оюуны шинэ загвар “Veo 3”-ыг танилцууллаа. Энэхүү загвар нь зөвхөн дүрс бичлэг бий болгохоос гадна түүнд зориулсан дууны эффект, орчны чимээ, яриа, хөгжим зэрэг бүх төрлийн аудиог автоматаар бүтээж чаддагаараа онцлогтой юм.
Google-ийн хиймэл оюун ухааны салбар болох “DeepMind”-ийн мэдэгдэлд “Veo 3 нь таны бүтээлд дууны эффект, орчны чимээ төдийгүй яриа нэмэх боломжийг олгоно” хэмээн онцолжээ. Энэ нь зөвхөн дүрсний чанарыг биш, сэтгэл хөдлөл, уур амьсгалыг бүрдүүлэх бүх элементүүдийг хиймэл оюун ухаанаар бүрэн шийдэх боломжийг олгож байна.
Одоогоор энэхүү загварыг зөвхөн Америкийн хэрэглэгчид ашиглах боломжтой байгаа ч тун удахгүй олон улсад нэвтрүүлэх төлөвтэй байна. Veo 3-ыг зөвхөн сонирхогчид төдийгүй мэргэжлийн кино бүтээгчид, контент бүтээгчид идэвхтэй ашиглах нь тодорхой байна.
“Veo 3” нь OpenAI компанийн Sora загвартай шууд өрсөлдөхүйц бүтээгдэхүүн бөгөөд Google-ийн загварын хамгийн том давуу тал нь дүрсний хамт дуу авиа давхар үүсгэх чадвар гэж шинжээчид үзэж байна. Энэ нь бүтээлийн бүтэн орчинг хиймэл оюун ухаан бүрэн бүтээх шинэ эрин үе рүү орж буйг харуулж байгаа юм.
Эх сурвалж: CNBC
