Гэрэл зургийг Gogo.mn

Нийслэлийн Төв талбайд "Огцрох амархан" жагсаал үргэлжилж байна. Ерөнхий сайд Л.Оюун-Эрдэнийн хүү О.Тэнүүн, түүний сүй тавьсан бүсгүй Ө.Өгөөмөрийн нийг Ерөнхий сайд Л.Оюун-Эрдэнийг огцрохыг шаардан жагсаж бмийн сүлжээгээр нийтэд дэлгэн үзүүлсэн тэнсэг хэрэглээ болон Ерөнхий сайдын АТГ-т мэдүүлсэн ХОМ-тэй холбоотойгоор Ерөнхий сайдыг огцруулахаар иргэдж жагсаж байна. 

Жагсачдын олонх нь залуус, жагсаал орой 20.00 цаг хүртэл үргэлжлэх тул оролцогчдын тоо нэмэгдсээр байна. Тэд "Орлогоо нотлох амаргүй. Огцрох амархан", "Бэрх"-ийн үеэлүүдийг тэжээхэд бэрх боллоо", "Ерөнхий сайд: Орлогоо нотол" гэсэн уриа лоозонгуудыг барьжээ. 

Иргэн Д.Амартүвшин:

-Иргэдийг үнэхээр доромжилж байна. Ерөнхий сайд сс зүйн хариуцлага хүлээх ёстой. Амьдралдаа ТҮЦ ч ажиллуулж үзээгүй хүмүүс ингэж тансаг амьдарна гэдэг байж болохгүй зүйл.

Сэтгүүлч О.Ариунбилэг:

-Ерөнхий сайдын хүү, бэрийн тансаглалтай холбоотойгоор "Орлогоо нотол" гэдэг шаардлагыг тавиад хоёр хонож байна. Ерөнхий сайд нэг ч удаа хариу өгсөнгүй. Өнөөдөр Өмнгөговьд ажиллаж байгаа сэтгүүлчдийг төрийн хамгаалалтын албаныхан цагдаж, Ерөнхий сайдтай уулзуулахгүй хязгаарлалтын бүс тогтоосон байна. Сэтгүүлчид зөвхөн алсаас зураг авах боломжтой байна. Энэ бол Ерөнхий сайд Л.Оюун-Эрдэнэ орлогоо нотлох чадамжгүй байгааг харуулж байна. Тиймээс жагсагчид Ерөнхий сайдыг огцруулах өргөдөлд гарын үсэг зурахаар дугаарлаж байна. "Огцрох амархан" хуудсыг цүнхэн дээрээ наахын тулд дугаарлаж байна.

Сэтгүүлч О.Уламсайхан:

-Дээрэлхүүлдэггүй, зүгээр өнгөрөөдөггүй, тэмцлээ бусниулуулдаггүй, олуулаа, хүчтэй байдаг жишиг тогтооё. Хэтэрхий их хүлцсээр байгаад тэвчиж болох үйлдлүүдийн зааг хэмжээ улам бүр доош унасаар байна. Энэ чигээрээ нийгмийн ёроол руу унаж буй энэ цаг үед зүй бус үйлдлүүдийг эсэргүүцэх хэрэгтэй. Л.Оюун-Эрдэнэ Ерөнхий сайд ажлаа бүрэн гүйцэт хийж чадаагүй гэдэгтэй санал нэгдэж байгаа учраас би энд ирсэн гэв.

Ерөнхий сайд Л.Оюун-Эрдэнийн огцруулах үндэслэлүүдэд

1. Инфляц, үнийн өсөлтийн эсрэг үр дүнтэй тэмцэж чадаагүй.

2. Ажилгүйдэл, ядуурал буураагүй.

3. Түүхэнд байгаагүй өндөр төсөв баталсан ч төсвийн зарцуулалт ил тод бус

4. Хамтарсан Засгийн газар байгуулснаар сөрөг хүчний үүрэг алдагдсан.

5. Ардчиллын индексээр Сонгуулийн автократ ангилалд шилжсэн.

6. Хэвлэлийн эрх чөлөө хумигдсан

7. УИХ-ын гишүүн Ж.Баярмаад Ерөнхий сайдын гаргасан зохисгүй хандлага нь эмэгтэйчүүдийн эрх, парламентын соёлд ноцтойгоор халдсан

8. Ерөнхий сайд Л.Оюун-Эрдэнийн хүү О.Тэмүүлэнгийн тансаг хэрэглээний эх үүсвэр тодорхойгүй зэргийг нэрлэжээ. 

Мөн иргэн Г.Доржтүвдэнгээс УИХ-д хаяглан Ерөнхий сайд Л.Оюун-Эрдэнийг огцруулах өргөдөл гаргажээ. Огцруулах өргөдөлд "Монгол Улсын Үндсэн хуулийн Дөчин гуравдугаар зүйлд зааснаар “Улсын Их Хурлын гишүүдийн дөрөвний нэгээс доошгүй нь Ерөнхий сайдыг огцруулах саналыг албан ёсоор тавибал Улсын Их Хурал гурав хоногийн дараа хэлэлцэж эхлэн арав хоногийн дотор шийдвэрлэнэ. Улсын Их Хурлын нийт гишүүний олонхи уг саналыг дэмжсэн бол Ерөнхий сайдыг огцруулах тухай Улсын Их Хурлын тогтоол баталсанд тооцож, шинэ Ерөнхий сайдыг гуч хоногийн дотор томилно” гэснийг тус тус үндэслэн УИХ-д хандан ЕС Л.Оюун-Эрдэнийг огцруулах өргөдөл санаачилж байна. Л.Оюун-Эрдэнийн Засгийн газар хариуцлагатай, шударга, ардчилсан засаглал явуулах амлалтаа биелүүлээгүй, иргэдийн амьжиргаа доройтсон, хүний эрхийн суурь зарчмуудыг үл хүндэтгэсэн бодит нөхцөл байдал үүсээд байна. Ерөнхий сайдыг огцруулах энэхүү шаардлага нь олон нийтийн эрх ашгийг хамгаалах үндэслэлтэй" гэсэн байна.

Огцруулах өргөдөлд энд дарж нэгдэх боломжтой.