Сонгинохайрхан дүүргийн 12 дугаар хороонд энэ оны дөрөвдүгээр сарын 4-ний өдөр иргэн Д-г архи согтууруулах ундаа хэрэглэсэн байхад нь 29 настай Н гэгч этгээд өөрийгөө цагдаагийн албан хаагч хэмээн итгүүлж, гэрт нь дагуулан орсон байна. Улмаар хохирогчийн гар утас, ээмэг, бөгж, түрийвч болон бичиг баримтыг нь залилан авч зугтаасан хэргийг цагдаагийн байгууллага илрүүлэн шалгаж байгаа талаар мэдээллээ.

Иймд Цагдаагийн Ерөнхий газраас дараах сэрэмжлүүлгийг хүргэж байна. Хэрэв хэн нэгэн өөрийгөө цагдаагийн алба хаагч хэмээн танилцуулж, албан тушаал, нэр, цолоо хэлэхгүйгээр хууль бус шаардлага тавьсан бол:

• Бичиг баримтыг нь шалгах,

• Сэжиг бүхий тохиолдолд 102 утсанд яаралтай мэдэгдэх хэрэгтэй.

Иргэдийн анхаарал болгоомжгүй байдал, согтууруулах ундаа хэрэглэсэн үедээ танихгүй хүнийг гэртээ оруулах зэрэг нь гэмт хэргийн хохирогч болох эрсдэлийг нэмэгдүүлдэг тул холбогдох байгууллагаас энэ талаар онцгойлон анхааруулж байна.

Эх сурвалж: Цагдаагийн ерөнхий газрын Хэвлэл, мэдээллийн төв