Төрийн үйлчилгээний нэгдсэн E-Mongolia болон E-Business систем нь Зам, тээврийн яам болон түүний харьяа байгууллагуудын нийт 27 үйлчилгээг цахимаар үзүүлж байна. Иргэдийн хувьд төрийн үйлчилгээг цаг заваа хэмнэн цахимаар дор дурдсан үйлчилгээнүүдийг авах боломжтой юм.
"И-Монгол академи" УТҮГ болон Зам, тээврийн яам, харьяа байгууллагууд хамтран цахимжсан үйлчилгээний тоон үзүүлэлт бус чанар, хүртээмжийг сайжруулахад анхаарч ажиллаж байгаа бөгөөд иргэдэд төрийн үйлчилгээг илүү хялбар, хүртээмжтэй болгох цаашлаад олон талт сувгаар иргэдэд мэдээллийг хүргэхээр шат дараатай уулзалтыг зохион байгуулан төлөвлөгөө гарган хэрэгжилтийг хангаж байгаа билээ.
| Үйлчилгээний ангилал | Үйлчилгээний нэр |
|---|---|
| Зам ашиглалтын төлбөр, хураамж | Олон улс, улсын чанартай болон тусгай зориулалтын авто зам, замын байгууламж ашигласны төлбөрөөс чөлөөлөгдөх хүсэлт гаргах (Иргэн) |
| Хот хоорондын авто замын хураамж төлөх | |
| Хот хоорондын авто замын хураамжийн мэдэгдэл | |
| Авто тээврийн бүртгэл, лавлагаа | Авто тээврийн хэрэгслийн гэрчилгээ солих хүсэлт |
| Авто тээврийн хэрэгслийн гэрчилгээ нөхөн олгох хүсэлт | |
| Авто тээврийн хэрэгслийн улсын бүртгэлийн лавлагаа | |
| Авто тээврийн хэрэгслийн торгуулийн мэдээлэл | |
| Авто тээврийн хэрэгслийг улсын бүртгэлээс хасуулах | |
| Авто тээврийн хэрэгслийн цахим гэрчилгээний лавлагаа | |
| Авто тээврийн хэрэгслийн цахим гэрчилгээний лавлагаа /ААН/ | |
| Авто тээврийн хэрэгсэл эзэмших, өмчлөх эрхийн лавлагаа (ААН одоо эзэмшиж байгаа) | |
| Авто тээврийн хэрэгсэл эзэмших, өмчлөх эрхийн лавлагаа (ААН өмнө өмчилж байсан) | |
| Авто тээврийн хэрэгсэл эзэмших, өмчлөх эрхийн лавлагаа (Иргэн одоо эзэмшиж байгаа) | |
| Авто тээврийн хэрэгсэл эзэмших, өмчлөх эрхийн лавлагаа (Иргэн өмнө өмчилж байсан) | |
| Жолоочийн эрх, лавлагаа | Мэргэшсэн жолоочийн үнэмлэхийн лавлагаа |
| Мэргэшсэн жолооны үнэмлэхийн сунгалтын хүсэлт хүлээн авах | |
| Оношилгоо, техникийн хяналт | Оношилгоо, техникийн хяналтын үзлэгийн мэдээлэл харах |
| Нисэхийн үйлчилгээ | Иргэний агаарын хөлгийн засвар, үйлчилгээ эрхлэх |
| Иргэний агаарын хөлгөөр нислэгийн үйл ажиллагаа эрхлэх | |
| Иргэний нисэхэд ашиглах аэродром, нисэх буудлын үйлчилгээ эрхлэх | |
| Усан замын тээвэр | Усан замын тээврийн хэрэгслийн бүртгэлээс хасуулах үйлчилгээ |
| Усан замын тээврийн хэрэгслийн тоо бүртгэлд шилжилт хөдөлгөөн хийх |
Өнөөдөр /2025.05.06/ Зам, тээврийн яам, Авто тээврийн үндэсний төв болон харьяа байгууллагын хэвлэл, мэдээллийг хариуцсан мэргэжилтнүүдтэй харилцан санал солилцож, тодорхой асуудлын талаар ярилцав.
Одоогийн байдлаар E-Mongolia системээр дамжуулан Зам, тээврийн яам түүний харьяа байгууллагуудаас цахимаар хамгийн их авсан үйлчилгээнүүдээс:
- Авто тээврийн хэрэгслийн торгуулийн мэдээлэл 2,292,513
- Хот хоорондын авто замын хураамжийн мэдэгдэл 4,685,647 удаа хүрсэн байгаа бөгөөд энэ нь иргэдэд цахим үйлчилгээ ямар эрэлт хэрэгцээтэй байгааг харуулж байна.
Цаашид эрэлттэй шинэ үйлчилгээнүүдийг системд нэвтрүүлэх, иргэдэд цахим үйлчилгээг авах процессыг илүү ойлгомжтой, хялбар болгох ажлууд үргэлжлэх бөгөөд үүний зэрэгцээ иргэдийн хүлээлтэд нийцсэн үйлчилгээг санал болгохоор хамтран ажиллана.
