Хан-Уул дүүргийн 5-р хороо, Таван богдын хажуугийн цайны газарт гал гарсан дуудлага өнөөдөр 15.23 цагт иржээ. Дуудлагын дагуу Гал түймэр унтраах, аврах 14-р ангийн албн хаагчид ажиллаж, тархалтыг зогсоон, 15.55 цагт галыг бүрэн унтраасан байгаа. Тухайн үед барилгын өргөтгөлийн ажил хийж байсан бөгөөд цайны газар хураалттай шилэн хөвөн шатсан байна. Галд өртсөн хүн байхгүй гэж Онцгой байдлын ерөнхий газраас мэдээллээ.