Монгол Улс Франц улстай хамтран уран олборлох төслийг хэрэгжүүлэхээр болсон. Үүнтэй холбоотойгоор уг төслийг хэрэгжүүлэх "Бадрах Энержи" компанийн гүйцэтгэх захирал Марк Мелеард болон тус компанийн удирдлагууд өчигдөр /2025.04.21/ уран эсэргүүцэгчдийг хүлээн авч уулзжээ.

Гэвч уулзалтын үеэр нэгэн эмэгтэй "Бадрах энержи" компанийн гүйцэтгэх захирал Марк Мелеардын биед халдаж, "Чамайг алмаар байна" хэмээн хоолойг нь зангиагаар боож, илтэд танхайрсан бичлэг цахим орчинд цацагдсан. Энэ хэрэг дээр цагдаагийн байгууллагаас шалгалтын ажиллагаа явуулж байгаа "Бадрах Энержи" ХХК-ийн захирлын биед хохирол тогтоогдохгүй бол Зөрчлийн хуулиар шийтгэнэ хэмээн мэдэгдсэн.  .

Тэгвэл энэ асуудлаар "Бадрах Энержи“ ХХК-ийн Гүйцэтгэх захирал Марк Мелеардын биед хохирол учирсан эсэхэд шинжээчийн дүгнэлт гаргуулахаар хандсан байгаа. Энэ тухайгаа "Үзэл бодлоо илэрхийлэх явцдаа хүний биед халдсан үйлдэлд зөрчлийн шинжтэй гэмт хэргийн нөхцөл байдал тогтоогдож байгаа учраас шалгалтын ажиллагааг үргэлжлүүлэн явуулж байна" гэжээ.