Олон улсын санхүүгийн хүрээлэн (IIF)-гийн мэдээлснээр, дэлхийн нийт өр сүүлийн 10 жилийн хугацаанд 49.2 хувиар өсөж, 2015 оны эцэст 213.3 их наяд ам.доллар байсан бол 2024 оны эцэст 318.4 их наяд ам.долларт хүрч, 105 их наяд ам.доллараар нэмэгджээ.

Харин дэлхийн дотоодын нийт бүтээгдэхүүн (ДНБ) ойролцоогоор 35 их наяд ам.доллараар өсөж, 110 их наяд ам.долларт хүрсэн байна. Өрийн хэмжээ дэлхийн ДНБ-ээс гурав дахин их байгаа нь эдийн засгийн тогтвортой байдалд нөлөөлж болзошгүйг харуулж байна.

Өрийн өсөлт ба гол үзүүлэлтүүд

• Өрхийн өр – 50%-иар өсөж, 60.1 их наяд ам.долларт хүрэв.
• Санхүүгийн бус компаниудын өр – 45%-иар өсөж, 91.3 их наяд ам.доллар болов.
• Санхүүгийн компаниудын өр – 33.4%-иар өсөж, 71.4 их наяд ам.доллар болжээ.
• Засгийн газрын өр – 67.7%-иар өсөж, 56.8 их наяд → 95.3 их наяд ам.доллар болж нэмэгджээ.

Хөгжингүй ба хөгжиж буй орнуудын өрийн өсөлт

• Хөгжингүй орнуудын өр – 34.3%-иар өсөж, 214.3 их наяд ам.долларт хүрэв.
• Хөгжиж буй орнуудын өр – 92.7%-иар өсөж, 103.7 их наяд ам.долларт хүрсэн.
• ДНБ-ий өсөлт:
  • Хөгжингүй орнууд – 41.7%
  • Хөгжиж буй орнууд – 53.2%

Томоохон эдийн засгуудын өрийн байдал

• АНУ – Өр 62.5% өсөж, 97.83 их наяд ам.доллар болсон. АНУ дэлхийн нийт өрийн гуравны нэгийг эзэлж байна. Харин тус улсын ДНБ 58.4% өссөн нь өрийн өсөлтөөс доогуур үзүүлэлттэй байна.
• Еврогийн бүс – Өр 22% өсөж, 54.5 их наяд ам.доллар болжээ. ДНБ нь 38.5% өссөн.
• Их Британи – Өр 12.5% өсөж, ДНБ нь 22.5% өсжээ.
• ОХУ – Өр 67.7% өсөж, 2.6 их наяд ам.доллар болсон. Эдийн засаг нь 60.3% тэлжээ.
• Хятад – Өр 123.4% өсөж, 62.4 их наяд ам.доллар болсон. ДНБ нь 64.5% өссөн нь өрийн өсөлтийн талтай тэнцэж байна.

Цар тахлын нөлөө

• 2020 онд дэлхийн ДНБ 2.5% буурсан бол өр 13% өсөж, 291.2 их наяд ам.доллар болсон.
• 2020 оноос хойш дэлхийн өр 23.2% нэмэгдэж, 318.4 их наяд ам.долларт хүрсэн.
• Дэлхийн худалдаа 10 жилийн хугацаанд 16 их наяд ам.доллар → 33 их наяд ам.доллар болж хоёр дахин өссөн байна.

Дэлхийн өрийн хурдтай өсөлт нь эдийн засгийн тогтвортой байдалд нөлөөлөх эрсдэлтэй бөгөөд хөгжингүй орнуудын өрийн түвшин харьцангуй тогтвортой байгаа ч хөгжиж буй орнуудын өрийн өсөлт ихээхэн нэмэгдэж буй нь анхаарал татаж байна.