бөөрнийхөө хавдрыг авхуулах мэс засал хийлгэснээ олон нийтэд зарлалаа. Түүний хэлснээр, мэс засал амжилттай болж дууссан бөгөөд сэтгэл санаа тайван байгаа ажээ. Тэрбээр өөрийн “Instagram” хуудсандаа “Сүүлийн хэдэн долоо хоногт олон зүйл өрнөлөө, гэхдээ биеийн байдал сайн, шинэ шархнууд бий болсон ч бөөр арай жижгэрч, илүү тэсвэртэй болж чадлаа” хэмээн бичжээ.

Францад төрж өссөн тэрбээр дөрвөн Олимпын наадмаас нийт зургаан медаль хүртэж, тэдний гурван нь алт байсан юм. Тэр дундаа эмэгтэйчүүдийн каноэ завь C1, каяак завь K1 төрлүүдэд аваргын алтан медаль хүртсэнээр Австралийн бахархал болсон билээ. Мөн Дэлхийн аварга шалгаруулах тэмцээнээс арван алт авч, өөрийн нэрийг спортын түүхэнд тод бичүүлсэн юм.

Австралийн Олимпын хорооны ерөнхийлөгч Ян Честерман тамирчныг магтан, “Жесс болон түүний гэр бүлд энэ нь хүнд цаг үе байсан. Гэвч бидний мэдэх Жесс бол тэмцэгч, тэсвэр хатуужилтай хүн. Тэр өөрийн шийдэмгий чанараар энэ бэрхшээлийг даван тууллаа” хэмээн онцлон хэлсэн байна.

Эх сурвалж: AFP