Цагаан сар бол эцэг эх, хамаатан саднаараа цуглаж, ураг төрлүүдийг нэгтгэдэг баяр. Түүнчлэн мөнх хөх тэнгэртээ хүндэтгэл үзүүлдэг эртний уламжлал одоо ч хэвээрээ.
Уламжлал, ёс заншлаа хүндэтгэн дагах нь эрхэм хэдий ч энэ үеэр өөрийн болон бусдын аюулгүй байдлыг хангахаа мартаж болохгүй.
Тиймээс хол, ойрын замд гарахдаа техникийн бүрэн бүтэн байдлаа хангаж, баталгаатай зам, гарцаар явах зэргээр төөрч цасанд суух, мөс цөмрөх аюулаас сэрэмжлээрэй.
Одоогийн байдлаар 14 аймгийн 47 суманд төмөр буюу шилэн зудын, 17 аймгийн 136 суманд цагаан зудын, 17 аймгийн 68 сум, нийслэлийн 2 дүүрэгт цагаанаар зудархуу буюу нийт 21 аймгийн 250 сум, нийслэлийн хоёр дүүрэгт өвөлжилт хүндрэх нөхцөл бүрдээд байгаа юм.
