Sony компани Apple-д хамгийн сүүлийн үеийн дүрс мэдрэгчийг нийлүүлэх болно гэж Nikkei мэдээллээ. Уг бүрэлдэхүүн ирэх жил худалдаанд гарах дараагийн iPhone утасны цувралд багтах төлөвтэй байна.
Sony Semiconductor Solutions компани шинэ дүрс мэдрэгчийг бүтээсэн бөгөөд тус групп компани Нагасаки дахь үйлдвэртээ үйлдвэрлэж, Apple болон бусад ухаалаг гар утас үйлдвэрлэгчдэд нийлүүлэх ажээ.
Шинэ дүрс мэдрэгчийг удахгүй гарах iPhone-д оруулах нь Sony-ийн хувьд өндөр нарийвчлалтай гэрэл зургийн технологид өрсөлдөх давуу талаа бататгахад чухал үүрэг гүйцэтгэнэ. Шилдэг өрсөлдөгч Samsung Electronics энэ салбарт Apple-д зураг мэдрэгч нийлүүлдэг Sony-д дарамт шахалт үзүүлж эхэлжээ.
Бүрэлдэхүүн хэсэг үйлдвэрлэгчийн захирал "Нэг хоёр жилийн дотор ландшафт өөрчлөгдөж магадгүй" гэж хэлжээ.
Sony-ийн шинэ дүрс мэдрэгч нь ердийн мэдрэгчтэй харьцуулахад пиксел бүрийн ханалтын дохионы түвшинг ойролцоогоор хоёр дахин нэмэгдүүлэх аж. Өөрөөр хэлбэл, мэдрэгчүүд нь илүү их гэрэл авч, тодорхой тохиргоонд хэт их эсвэл дутуу гэрлийг багасгана. Мөн ухаалаг утасны камер нь тухайн объект хүчтэй арын гэрлийн эсрэг зогсож байсан ч хүний царайг тодотгон зураг авах боломжийг олгоно гэлээ.
Sony энэ амжилтыг хагас дамжуулагчийн шинэ архитектурыг ашиглан хийсэн бөгөөд энэ нь фотодиод ба транзисторыг тусад нь субстратын давхаргад байрлуулж, мэдрэгч нь тусгай давхаргад илүү олон фотодиод нэмэх боломжийг олгожээ.
Өнгөрсөн жил Sony CMOS (нэмэлт металлын ислийн хагас дамжуулагч) дүрс мэдрэгчийн дэлхийн 44 хувийг хангаж байсан гэж Британийн аналитик фирмийн Omdia мэдээлсэн. Samsung 18.5 хувиар энэ салбарт хоёрдугаарт оржээ.
Гэхдээ л Sony-ийн хувьцаа сүүлийн жилүүдэд буурч байгаа. 2020 онд Японы групп гол үйлчлүүлэгч болох Хятадын ухаалаг гар утас үйлдвэрлэгч Huawei Technologies-тэй АНУ, БНХАУ-ын хооронд үүссэн хурцадмал байдлаас болж бизнесээ алджээ.
Өнгөрсөн тавдугаар сард Sony 2023 оны төсөв хүртэл гурван жилийн хугацаанд дүрс мэдрэгчүүдэд 900 тэрбум иен (одоо ханшаар 6.46 тэрбум доллар) зарцуулахаар төлөвлөж байгаагаа зарласан. Нагасаки дахь үйлдвэрт тус групп өнгөрсөн жил ашиглалтад орсон шинэ байгууламжаа өргөтгөсөн байна.
Мөн 2025 он гэхэд Sony CMOS дүрс мэдрэгчийн зах зээлийн 60 хувийг эзлэх болно. Тус компани зах зээлийн 53 хувийг эзэмшиж байсан 2019 онд анх зарласан зорилтоо давтлаа.
Б.Бүжлхамаа
