Монголын технологийн “Andorean LLC” компани АНУ-д салбар компаниа байгуулах болсноо зарлалаа.

Ёслолын үйл ажиллагаа энэ сарын 24-ний өдөр АНУ-д байрлах Монгол улсын ЭСЯ-ны байранд болсон юм. Тус арга хэмжээг нээж тус компанийн Гүйцэтгэх захирал Ч.Анар үг хэлж, компанийн зорилго, үйл ажиллагааны талаар товч танилцуулжээ.

Мөн Элчин сайд Ө.Батбаяр “Andorean LLC” компанийн хамт олонд АНУ-д салбараа байгуулж байгаад баяр хүргэж, амжилт хүслээ.

Ёслолын арга хэмжээнд АНУ-ын Төрийн департаментын Монголыг хариуцсан ажилтан Ф.Дарин болон АНУ дахь Монголчуудын төлөөлөл урилгаар оролцжээ.

Хоёр орны бизнес, хувийн хэвшил хоорондын хэлхээ холбоог өргөжүүлэх, Монгол, Америк дахь бизнесийн боломжуудыг нээх, өргөжүүлэх зэрэг нь Монгол, Америкийн хооронд эдийн засгийн харилцааг гүнзгийрүүлэхэд чухал ач холбогдолтой юм.