Энэтхэгийн Mean Metal Motors компани анхны бүрэн хэмжээний "Azani" цахилгаан машин гаргаж буйгаа зарлалаа.

Хүчин чадал нь 1000 морины хүчтэй, 1000 нм хөдөлгүүр нь 325 милийн (523 км) зайг 120 кВт/цагийн эзэлхүүнтэй батарейнаас авах бөгөөд өөр бус олон тооны өндөр технологийн боломжийг өгнө гэж амласан байна.

Итали царайтай машин Энэтхэг үнийн онцлогийг хадгалах гэнэ.

Azani  машин 220 милийн хурдыг цагт (354 км/ц) үзүүлнэ.

Скейтбордын шасси дээр хөнгөн цагаан каркасын рамыг зангидсан ба ер нь бүхээгийн ихэнх нь хөнгөн цагаанаар хийгджээ. Тормозын диск нь салхижуулалтай, жолоочид туслах систем нь дадал болсон тойрон аялал, автомат тормозлолт, хөдөлгөөний зурвасыг солих, мөргөлдөхөөс хамгаалсан хяналт зэргийг өөртөө агуулсан байх аж.

Mean Metal Motors ихээхэн олон зүйлийг амлаж байна. Хуучрахгүйн тулд цахим тоноглолоо байнга шинэчилж цаг үеэсээ хоцрохгүй байх гэнэ. Мөн түүнийг сайжруулагдсан хиймэл ой ухаантай роботууд ажилладаг үйлдвэрт цуглуулах ажээ. Аль болох цөөн эд ангитай байлгахад машин нь хямд үнэтэй болох бөгөөд тэр нь эд ангийн нийлүүлэлтийг 25 хувиар багасгах юм байна. Yasa motors, Xtrac Differential, Nvidia, Sick Sensor Intelligence, National Instruments компаниуд энэтхэгчүүдийн түнш нь болон туслах ёстой гэнэ.

Энэтхэгийн "Car and Bike" хэвлэлд өгүүлснээр, Azani нь дөнгөж 120 мянган доллар орчмын үнэтэй байх ажээ.

Mean Metal Motors компани нь өмнө нь спортын M-Zero цахилгаан машиныг бүтээж байжээ. 2016 онд зарлагдан танилцуулагдаж байсан машин хоёр жилийн дараа сураггүй болоод өнөөдөр Azani болон хувирч байна. Гэхдээ алга болсон машин тус компанид 750 урьдчилсан захиалга авчирч байсан юм.

М.ЦОГТ