Энэ хичээлийн жилд нийслэлийн хэмжээнд Ерөнхий боловсролын 280 сургууль цахим болон танхимын хичээлийг хослуулан 5/9 зарчмаар үйл ажиллагаа явуулж байгаа билээ.

Ингэхдээ нэг ангид 20-25 хүүхдийг халдвар хамгааллын дэглэм баримтлуулан хичээллэж буй.

Цахим орчинд Ерөнхий боловсролын сургуулийн сурагчдыг цаашид 100 хувь танхимаар хичээллүүлэх талаар мэдээлэл гараад буй. 

Энэ талаар БШУЯ-аас тодруулахад “Сургуулийн орчинд халдварын тоо 20 хувьтай байсан бол одоо 19 хувь болж буурсан. Гэхдээ бид ерөнхий боловсролын сургуулийг 100 хувь танхимаар хичээллүүлэх талаар ярилцаагүй. Боловсролын яамнаас ямар нэг санал хүргүүлээгүй. Энэ асуудлыг манай байгууллага дангаараа шийдвэрлэдэггүй. Холбогдох байгууллагуудтай хамтарч үнэлгээ хийж, шийдвэр гаргадаг. Одоогийн байдлаар үнэлгээ хийх талаар ч ярилцаагүй байна” гэлээ.

Нийслэлийн хэмжээнд 19 сургууль 100 хувь танхимаар хичээллэж байна. Учир нь тухайн сургуулиудын нэг ангид суралцах сурагчдын тоо 25-аас цөөн учир ийн танхимаар хичээллэж байгаа аж.