Нийслэлийн ХУД-ийн 10 дугаар хорооны өрхийн эрүүл мэндийн төвийн барилга угсралтын ажил дуусаж, улсын комисс хүлээн авлаа.

НЗДТГ-ын мэдээлснээр, эмнэлгийн тусламж үйлчилгээг иргэдэд түргэн шуурхай үзүүлэх, өрхийн эрүүл мэндийн төвийн эмч, ажилтнуудын ажиллах орчин нөхцөлийг сайжруулах зорилгоор барьжээ.

Тус өрхийн эрүүл мэндийн төвийн барилга нь тэнхлэгээрээ 21м х 14.0м хэмжээтэй, зоорьгүй, хоёр давхар юм. Мөн I давхарт яаралтай түргэн тусламж, эхо, сэргээн засах, физик эмчилгээ, лаборатори, узель, угаалгын, ариун цэврийн,  цахилгааны өрөө, II давхарт үзлэг, тариа, дархлаажуулалт, архивын өрөө болон бусад өрөө тасалгааг төлөвлөн хийж, гадна тохижилтод явган хүний зам талбай, авто зам болон авто зогсоол зэргийг хийж гүйцэтгэсэн байна.

Дүүргийн төсвийн хөрөнгө оруулалтаар “Элбэг гүн” компани тус ажлыг гүйцэтгэж, нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэн ажиллажээ.\