ХӨСҮТ-ийн захирал С.Энхболд улирлын томуу, томуу төст өвчний одоогийн нөхцөл байдлын талаар мэдээлэл өглөө. Түүний хэлснээр томуу, томуу төст өвчин алаг цоог хэлбэрээр дэгдэж байгаа энэ үед хүүхдийн дархлааг дэмжих, шим тэжээлтэй хоол хүнс өгөх, хангалттай нойр авах нөхцөлийг бүрдүүлэх, амны хаалтыг тогтмол хэрэглүүлэх нь өвчлөлөөс сэргийлэх чухал арга хэмжээ хэвээр байна.

Одоогоор 6–15 насны хүүхдүүдийн дунд томуугийн А хүрээний H3N2 вирус болон амьсгалын замын синцитиаль вирусийн халдвар илүүтэй бүртгэгдэж байгаа нь анхаарал татаж буйг ХӨСҮТ тэмдэглэв. Энэ насныханд улирлын томуугийн вакцин хийгдээгүй бөгөөд өвчлөл нэмэгдэх хандлагатай байна.

Эрүүл мэндийн яам улирлын томуугийн гурван зуун мянган хүн тун вакциныг зорилтот бүлэг болох нойл–таван насны хүүхэд, жирэмсэн эмэгтэйчүүд, жаран тав ба түүнээс дээш насныхан, архаг хууч өвчтэй хүмүүс, эрүүл мэндийн байгууллагын эмч, ажилтнууд, багш нарт есдүгээр сарын хоринноос эхлэн хийсэн. Энэ вакцин нь томуугийн А хүрээний хоёр, Б хүрээний хоёр төвийг багтаасан бөгөөд үйлчлэл сайн байгаа гэж мэргэжилтнүүд үнэлж байна. Улсын хэмжээнд нойл–таван насны гурван зуун мянган хүүхдээс зорилтот бүлгийн нэг зуун тавин мянгад дархлаажуулалт хийгджээ.

Харин сургуулийн насныхан буюу зургаа–арван таван насныханд вакцин хийгдээгүй тул өвчлөл голчлон энэ бүлэгт тархаж буйг С.Энхболд тодотгов. Тэрээр A хүрээний H3N2 болон амьсгалын замын синцитиаль вирусийн алаг цоог дэгдэлттэй энэ үед вакцин нэмэлтээр хийхээс илүү өвөрмөц эмчилгээ болон тамифлю эмчилгээг зөвлөж байгаа хэмээн мэдээллээ.

Эрүүл мэндийн байгууллагууд томуугийн улирал идэвхжих энэ үед эцэг эхчүүд хүүхдээ халдвар хамгааллын зөв дадалд сургах, шинж тэмдэг илэрвэл эрт үзлэгт хамруулах нь өвчлөлийг хүндрэхээс хамгаална гэж зөвлөж байна.