Хөгжлийн бэрхшээлтэй хүүхдийн сэргээн засах хөгжлийн төвийн эмч, эмнэлгийн мэргэжилтнүүдийн эмнэл зүйн ур чадварыг хөгжүүлэх сургалтын танхимыг БНХАУ-ын ЭСЯ-ны санхүүжилтээр иж бүрэн тохижуулж хүлээлгэн өглөө.
Энэ үйл ажиллагаанд ГБХНХ-ын Сайдын зөвлөх Г.Саран, БНХАУ-ын Элчин сайд Шэнь Миньжуань, CTCE группын ТУЗ-ийн дарга Ан Еэ, ХБХХЕГ-н дарга Д.Гэрэл оролцож, ХБХСЗХТ-ийн дарга М.Амаржаргал төвийнхөө талаар танилцуулсан юм.
Тус төвийг Засгийн газрын 2019 оны тогтоолоор байгуулж, хүүхдийн хөгжлийн бэрхшээлийн эрт илрүүлэх, хөгжлийг дэмжих хөтөлбөр, техник технологийг эмчилгээ, оношилгоонд өргөн нэвтрүүлэх чиглэлээр ажиллаж байна. Ингэхдээ хөгжлийн бэхшээлтэй 16 хүртэлх насны хүүхдэд зориулан хэл, ахуй, хөдөлгөөн заслын эмчилгээ, үйлчилгээ, асаргаа болон сэргээн засах зөвлөгөө өгдөг байна.
Манай улсад өнгөрсөн оны байдлаар хөгжлийн бэрхшээлтэй 18 хүртэлх насны 11 мянга гаруй хүүхэд бий гэсэн мэдээлэл бий.
