2025 оны аравдугаар сард Монгол Улс ОХУ-ын “Роснефть” компаниас нийт 59 мянган тонн АИ-92 автобензин худалдан авахаар захиалснаас 46.3 мянган тонн нь энэ сарын 1-31-нд Сүхбаатар боомтоор орж ирсэн талаар АҮЭБЯ-наас мэдээллээ.
Сүүлийн гурван хоногийн байдлаар Сүхбаатар боомтоор нийт 152 вагон шатахуун импортолжээ. ОХУ-ын Ангарскийн газрын тос боловсруулах үйлдвэрээс Монгол Улсад шатахуун нийлүүлэх ажил тасралтгүй хийж байна. Үүнд:
- 10.26-нд-103 вагон /6134 тонн/
- 10.27-нд-38 вагон /2218 тонн/
- 10.28-нд-51 вагон /3064 тонн/
- 10.29-нд-77 вагон /4600 тонн/ шатахуун ачиж, 2-3 хоногт хил нэвтрэхээр байгаа аж.
Өнөөдөр өглөөний 9:00 цагийн байдлаар УБТЗ-ын шатахуун тээвэрлэсэн вагонуудыг танилцуулж байна. Үүнд:
- Сүхбаатар өртөөнд-60 вагон /Рашаант-6, Дархан-7, Эрдэнэт-4, Толгойт-37, УБ-6/
- Толгойт -22 вагон
- Рашаант -8 вагон
- Эрдэнэт-8 вагон
- Улаанбаатар-6 вагон
- Дархан -2 вагон
- Сайншанд -2 вагон
Өчигдрийн байдлаар Улаанбаатар хотын 109 ШТС-руу 1477.3 тонн, орон нутгийн ШТС-руу 268 тонн, нийт 1745 тонн АИ-92 шатахуун түгээжээ.
