Булган аймгийн Рашаант сумын Засаг даргын тамгын газар, Мал эмнэлгийн тасаг ариутгалын зориулалттай ДУК машиныг өнөөдөр хүлээн авлаа. Энэ машин нь аймгийн Засаг даргын шийдвэрийн дагуу тус суманд хүргэгдсэн бөгөөд өмнө нь амласан ажлыг ийнхүү хэрэгжүүлжээ.
Рашаант сум нь аймгийн төвөөс 190 км-ийн зайд, Өвөрхангай аймагтай залгаа оршдог бөгөөд баруун аймгийг чиглэсэн төв зам дайран өнгөрдөг учир ариутгал халдваргүйжүүлэлтийн ажил байнга шаардлагатай болдог.
Шинэ ДУК машин нь тусгай уусмал ашиглан нян, вирусийг бүрэн устгах чадвартай, халдваргүйжүүлэлтийн орчин үеийн техник юм. Тус төхөөрөмжөөр нийтийн эзэмшлийн талбай, зам, гүүр, хүүхдийн тоглоомын талбай, мод бут угаах, услах, халдваргүйжүүлэхээс гадна мал амьтны халдварт өвчний үед голомтод ариутгал хийх, машин техник угаах, уусмал тээвэрлэх зэрэг олон талын зориулалттайгаар ашиглах боломжтой.
Эх сурвалж: Булган аймгийн ЗДТГ
