Булган аймгийн Гэмт хэргээс урьдчилан сэргийлэх ажлыг зохицуулах салбар зөвлөлөөс санаачлан Төр, сүм хийдийн харилцааны тухай хууль, Хүүхэд хамгааллын тухай хууль, Галын аюулгүй байдлын тухай хууль болон бусад холбогдох дүрэм, журмын хэрэгжилтийг шалгах зорилгоор аймгийн нутаг дэвсгэрт үйл ажиллагаа явуулж буй сүм, хийдүүдэд хамтарсан хяналт шалгалтыг зохион байгууллаа.
Шалгалтаар ноцтой зөрчил илрээгүй бөгөөд сүм хийдүүдийн үйл ажиллагаа хэвийн үргэлжилж байгаа талаар холбогдох байгууллагууд мэдээлэв. Одоогоор Булган аймагт нийт 26 сүм, хийд албан ёсоор үйл ажиллагаа явуулж байгаа бөгөөд эдгээрийн үйл ажиллагаанд аймаг, сумын ИТХ, мэргэжлийн байгууллагууд хамтран тогтмол хяналт тавьдаг ажээ.
Монгол Улсын хэмжээнд шарын шашны 159 байгууллага албан ёсоор бүртгэлтэй байдаг бөгөөд түүний 26 нь Булган аймагт байрлаж байна.
Эх сурвалж: Булган аймгийн ЗДТГ.
