Нийслэлийн удирдлагууд ирэх онд хотын түгжрэлийг бууруулах зорилгоор 10 орчим байршилд шинэ авто зам барихаар төлөвлөж байна. Энэ хүрээнд Яармагийн гэр хороолол дундуур, гол замаас Нүхт ам хүртэл болон Зайсангийн Соёмботой уулын хойгуур шинэ зам тавихаар төлөвлөжээ. Ийнхүү шинэ замууд баригдсанаар Яармагийн гол замын ачааллыг бууруулж, хөдөлгөөний урсгалыг жигдрүүлэх, иргэдийн зорчих нөхцөлийг сайжруулах ач холбогдолтой гэж үзэж байна.
НИТХ-ын дарга А.Баярын хэлснээр, шинэ замуудын трассыг нарийвчилсан зураг төслөөр баталгаажуулж, түгжрэлийг хэдэн хувиар бууруулах нөлөөллийг тооцох шаардлагатай гээд эдгээрийг ач холбогдлоор нь эрэмбэлж ирэх оны төсөвт тусгах ёстой гэв.