Гачууртын авто замаас Баяндөхөмийн ам хүртэлх 3 км авто замын ажлын эхний хэсгийн 1.7 км замын ажил үргэлжилж байна.
НЗДТГ-ын мэдээлснээр, үүнээс өнөөдрийн байдлаар 1.1 км авто замын ажил 95 хувийн гүйцэтгэлтэй байна. Үлдсэн 600 метр замын асфальт бетон суурь хучилтын ажлыг маргааш дуусгаж, өнгөн хучилтыг хийж, зорчих хэсгийн хөдөлгөөнийг нээх аж. "Улаанбаатар зам засвар, арчлалтын газар" ОНӨААТҮГ найман самосвал, гурван экскаватор болон хоёр авто замын индүүтэй тус ажлыг гүйцэтгэж байна. Баяндөхөмийн амын тус хэсэг намаг ихтэй, иргэд зорчиход хүндрэлтэй шороон замтай байсан бол шинээр зам ашиглалтад орсноор иргэдийн саадгүй зорчих нөхцөл бүрдэх юм.
Нийслэлийн Баянзүрх дүүргийн 33 дугаар хороонд байрладаг Гачуурт орчимд 3 км замыг шинээр барьж буй.
