Эрүүл мэндийн байгууллагын мэдээлснээр, улаанбурхан өвчний нийт батлагдсан тохиолдол 13,540 болж өсжээ. Эдгээрээс 13,520 хүн бүрэн эдгэрсэн бол 11 хүн нас барсан байна. Одоогоор 9 хүн эмнэлэгт хэвтэн эмчлүүлж байгаа бөгөөд тэдний 2 нь хөнгөн, 7 нь дунд зэргийн хүндрэлийн байдалтай байгаа аж.
Улаанбурхан нь халдварлалт өндөртэй ч вакцинаар бүрэн сэргийлэх боломжтой өвчин юм. Сүүлийн саруудад улаанбурхан гол төлөв ерөнхий боловсролын сургуулиудад голомтлон гарч байгаа тул иргэд, ялангуяа хүүхдүүдийг улаанбурханы эсрэг дархлаажуулалтад заавал хамруулах нь чухал гэж мэргэжлийн байгууллагууд анхааруулж байна.
Иргэд улаанбурхан өвчний талаар дэлгэрэнгүй мэдээлэл, лавлагаа авахыг хүсвэл 89016199 болон 75103100 утсаар холбогдох боломжтой.
Эх сурвалж: Эрүүл мэндийн яам
