Сонгинохайрхан дүүргийн 5, 19, 27 дугаар хорооны иргэдийн зорчих нөхцөлийг сайжруулах зорилгоор М:1А чиглэлд өөрчлөлт орж, одооноос “5 шар-Мөнгөн завьяа” чиглэл “Ханын материалын комбинат-Мөнгөн завьяа” болгон шинэчлэгдэнэ. Үүнтэй зэрэгцэн Багахангай дүүргийн 1, 2 дугаар хорооны иргэдийн эрэлтэд тулгуурлан Х:18 “Улаанбаатар Тэнгэр плаза-Багахангай цагдаагийн пост” чиглэлд Бор үзүүр болон дундын зогсоолуудыг шинээр нэмлээ. Тус чиглэлийн үйлчилгээг 2025 оны аравдугаар сарын 29-нөөс эхлүүлэх юм.

Мөн Баянзүрх дүүргийн 11 дүгээр хороонд нийтийн тээврийн хүртээмжийг нэмэгдүүлэх үүднээс Y:24 “Ургах наран хороолол-Офицеруудын ордон” чиглэлд Зоорь-1 болон Зоорь зогсоолуудыг шинээр нэмж, замналыг сайжруулжээ. Энэхүү чиглэл 2025 оны аравдугаар сарын 28-наас үйлчилгээнд гарах бөгөөд бэлтгэл ажлууд бүрэн хангагдсан байна.

Иргэд үйлчилгээтэй холбоотой санал, хүсэлтээ 70044040 утсаар 24 цагийн турш өгч болохыг Нийтийн тээврийн бодлогын газраас мэдээлэв.

Эх сурвалж: Нийтийн тээврийн бодлогын газар.