Монгол Улсын хүн амын 15-69 насныхны 24.2 хувь буюу таван хүн тутмын нэг нь тамхи татаж байна.
Нийслэлийн Эрүүл мэндийн үндэсний төвийн мэдээлснээр, тамхи татаж эхэлсэн нас дунджаар 18.9 бол эрчүүд бүсгүйчүүдээс 8 дахин тамхи татдаг байна.
Гэр орон сууцандаа 10 хүн тутмын 3 нь, үүнээс эмэгтэйчүүд гэртээ, эрчүүд ажлын байрандаа дам тамхидалтад өртөх нь элбэг аж. Тамхи татдаг насанд хүрэгчдийн 85.3 хувь нь үйлдвэрийн янжуур, 23.7 хувь нь электрон тамхи хэрэглэдэг. Ерөнхий боловсролын сургуулийн 13-17 насны сурагчдын 24.8 хувь буюу 4 сурагч тутмын нэг нь сүүлийн нэг сард электрон тамхи, 10 сурагч тутмын нэг нь янжуур тамхи татсан судалгаа гаргажээ.
ДЭМБ-ын 2023 оны тайланд дурдсанаар, тамхины хэрэглээ хөгжингүй орнуудад багассан бол хөгжиж буй орнуудад нэмэгджээ. 2023 онд гэхэд 1.3 тэрбум хүн тамхи хэрэглэсэн судалгааны 34 хувь нь эрчүүд, 6 хувь нь эмэгтэйчүүд байв. Харин жил бүр 8 сая хүн тамхинаас болж нас бардгийн 7 сая орчим нь шууд, 1.3 сая нь дам тамхидалтын шалтгаантай аж.
