Монгол Ардын намын Бага хурлын VIII хуралдаан хэлэлцэх асуудлын дарааллын дагуу үргэлжилж байна.
МАН-ын Бага хурлын зарим гишүүдийг чөлөөлөх, чөлөөлөх ажил дууссаны дараа намын даргыг тодруулах үйл явц эхлэв. Намын даргад нэр дэвшигч, УИХ-ын дарга Д.Амарбаясгалан, Ерөнхий сайд Г.Занданшатар өөрсдийн боловсруулсан мөрийн хөтөлбөрөө Бага хурлын гишүүдэд танилцуулжээ.
Үүний дараа нэр дэвшигчид бодлогын мэтгэлцээн өрнүүлж, Бага хурлын гишүүдийн асуултад хариулж байна. Нийт 30 гишүүн хоёр өрсөлдөгчөөс асуулт асуухаар бүртгүүлжээ.
Энд нэг зүйлийг тодорхойгүй байгаа нь МАН-ын дарга Л.Оюун-Эрдэнэ чөлөөлөгдөх хүсэлтээ өгсөн эсэх. Намын дүрмийн дагуу "Намын даргын орон гарсан тохиолдолд" Бага хурал шинэ даргыг тодруулах ёстой. Гэтэл Л.Оюун-Эрдэнэ "Дараачийн намын дарга тодорсны дараа өргөдлөө өгнө" гэсэн тухай зарим эх сурвалж мэдээлсэн байна.
