Өмнөд Солонгос хүүхэд, өсвөр үеийнхний ухаалаг утасны хэрэглээг хязгаарлах зорилгоор сургуулиудад хичээлийн цагаар гар утас ашиглахыг хориглох хуулийн төслийг баталлаа. Хууль ирэх хичээлийн жилээс буюу 2026 оны гуравдугаар сараас хүчин төгөлдөр хэрэгжинэ.

Хууль тогтоогчид энэхүү шийдвэрийг ухаалаг утасны хэт хэрэглээнээс үүдэлтэй сургалтын чанар буурах, суралцах хугацаа үр дүнгүй зарцуулагдаж байгаатай холбон тайлбарлажээ. Санал хураалтад оролцсон 163 гишүүний 115 нь уг төслийг дэмжсэн байна.

Өмнөд Солонгосын олон сургууль аль хэдийн ийм хориг хэрэгжүүлж эхэлсэн бөгөөд Финланд, Франц, Итали, Нидерланд, Хятад зэрэг олон улсад ижил шийдвэрүүд гарсан байдаг. Гэсэн ч Өмнөд Солонгос бол энэ хоригийг хуульчилсан цөөхөн орны нэг болж байна.

2024 оны судалгаагаар тус улсын 51 сая хүн амын дөрөвний нэг нь гар утаснаас хэт хамааралтай гэж тогтоогдсон бөгөөд өсвөр үеийнхний хувьд энэ үзүүлэлт 43 хувь хүрчээ. Сөүлд амьдардаг эцэг эхчүүдийн хэлснээр, орчин үеийн хүүхдүүд гар утаснаас ангид байх бараг боломжгүй болсон нь энэ шийдвэрийг гаргах нэг шалтгаан болсон байна.

Эх сурвалж: BBC