Монгол Улсын Ерөнхий сайд Г.Занданшатар энэ сарын 18-нд ОХУ-ын Засгийн газрын дарга М.В.Мишустинтэй утсаар ярьж, хоёр талын хамтын ажиллагааны гол асуудлуудын талаар санал солилцжээ.
Уулзалтын үеэр М.В.Мишустин ОХУ шатахууны экспортоо тодорхой хэмжээнд хязгаарлаж буй ч энэ нь Монгол Улсад хамаарахгүй, шатахууны нийлүүлэлт тасалдахгүйгээр тогтвортой үргэлжлэхийг онцолсон байна. Энэ нь хоёр улсын эдийн засаг, худалдааны харилцааны тогтвортой байдлыг хадгалах чухал дохио болж байна.
Мөн хоёр тал хөрөнгө оруулалт, худалдаа, эдийн засгийн хамтын ажиллагааны чиглэлээр ярилцсан бөгөөд хоёр улсын Ерөнхийлөгч нарын түвшинд хүрсэн тохиролцоог тууштай хэрэгжүүлэхийн төлөө байгаагаа илэрхийлжээ.
Эх сурвалж: Засгийн газрын хэвлэл мэдээлэл, олон нийттэй харилцах газар
