Ирэх оны улсын төсвийн төсөлд олон нийтээс санал авах ажиллагаа маргааш дуусна. Санал авах ажлыг 11-11 төв болон E-Mongolia цахим системээр дамжуулан зохион байгуулж байгаа бөгөөд өнөөдрийн 09:30 цагийн байдлаар 167 мянга гаруй иргэн саналаа өгсөн байна.
Төсвийн тухай хуульд зааснаар Засгийн газар төсвийн хэлэлцүүлгийг иргэдийн оролцоотой, ил тод, нээлттэй хийх ёстой. Энэ хүрээнд Ерөнхий сайд Г.Занданшатар өнгөрсөн сарын 30-ны өдрийн Засгийн газрын хуралдаанаар татвар төлөгчдийн саналыг төсөлд тусгах үүргийг өгсөн. Мөн ирэх оны төсөв хүний хөгжил, боловсролыг дэмжихэд чиглэсэн байх шаардлагатайг онцлон тэмдэглэжээ.
Эх сурвалж: Засгийн газрын Хэвлэл мэдээллийн алба
