Гэр бүл, хөдөлмөр, нийгмийн хамгааллын сайд Т.Аубакир БНХАУ-аас Монгол Улсад суугаа Онц бөгөөд Бүрэн эрхт Элчин сайд Шэнь Миньжуаньтай уулзаж, нийгмийн хамгааллын салбар дахь хамтын ажиллагааг гүнзгийрүүлэх талаар санал солилцлоо.
Уулзалтын үеэр талууд БНХАУ-ын тэтгэврийн тогтолцооны шинэчлэл, олон давхаргат тэтгэврийн тогтолцоо, хувийн тэтгэврийн сангийн хөгжил, хүн амын насжилтад суурилсан бодлогын өөрчлөлт зэрэг туршлагаас харилцан судалж, Монгол Улсад хэрэгжүүлэх боломжуудын талаар ярилцсан байна. Насжилт нэмэгдэж буй өнөөгийн нөхцөлд тогтвортой, уян хатан тэтгэврийн тогтолцоог хөгжүүлэх нь чухал хэмээн үзжээ.
Мөн хөдөлмөрийн аюулгүй байдал, эрүүл ахуйн чиглэлд хамтын ажиллагааг шинэ түвшинд гаргах, тухайлбал:
-
ХАБЭА-н эрх зүйн орчныг боловсронгуй болгох,
-
Стандартчилал, хяналт шалгалтын тогтолцооны чиглэлээр туршлага солилцох,
-
Мэргэжилтэн солилцооны хөтөлбөр хэрэгжүүлэх зэрэг санаачилгуудыг дэвшүүлэв.
Түүнчлэн ХАБЭА-н цахим системийг хөгжүүлэх, дэвшилтэт технологийн туршлага хуваалцах чиглэлээр хамтран ажиллахаар тохиролцсон нь хоёр улсын хөдөлмөрийн салбарын уялдаа холбоог улам бэхжүүлэх алхам болно гэж үзэж байна.
Элчин сайд Шэнь Миньжуань дээрх санаачилгуудыг бүрэн дэмжиж байгаагаа илэрхийлж, Монгол-Хятадын хамтын ажиллагаа харилцан ашигтай, тогтвортой хөгжихөд онцгой анхаарал хандуулж ажиллахаа мэдэгдлээ.
Эх сурвалж: ГБХНХЯ
