Улсын Их Хурлын 2025 оны долдугаар сарын гуравны өдрийн нэгдсэн хуралдаанаар Үндэсний их баяр наадмын тухай хуульд өөрчлөлт оруулах тухай хуулийн төслийн анхны хэлэлцүүлгийг хийж, зарчмын зөрүүтэй санал гараагүй тул анхны хэлэлцүүлгийг эцэслэн батлах горимын саналыг дэмжсэн байна.
Төрийн байгуулалтын байнгын хорооны хуралдаанаар хуулийн төслийг хэлэлцэхэд УИХ-ын гишүүн Э.Одбаяр анхны хэлэлцүүлгийг шууд батлах горимын санал танилцуулж, хуралдаанд оролцсон гишүүдийн олонхийн саналаар уг саналыг дэмжин баталжээ.
Ийнхүү Үндэсний их баяр наадмын тухай хуульд өөрчлөлт оруулах тухай хуулийн төслийг Улсын Их Хурлын чуулганы нэгдсэн хуралдаанаар албан ёсоор эцэслэн баталсан байна.
Эх сурвалж: Монгол Улсын Их Хурал