Сангийн сайд Б.Жавхлан өнөөдрийн Засгийн газрын хуралдаанд төсвийн тодотголтой холбоотой гурав дахь удаагийн хэлэлцүүлгийн дүнг танилцуулсан талаар мэдээллээ. Тэрбээр хэлэхдээ, төсвийн Ерөнхийлөн захирагч нар болон иргэд, олон нийтээс ирүүлсэн саналд үндэслэн төсвийн тодотголын төсөл эцэслэгдэж, УИХ-д өргөн барихад бэлэн болсон гэдгийг онцлов.
Сангийн сайдын мэдээлснээр:
-
Эхний байдлаар 2025 оны төсвийн орлого 2.3 их наядаар тасалдахаар байсан
-
Харин шинэчилсэн тооцоогоор алдагдал 3.3 их наяд төгрөгт хүрэхээр байна
-
Үүнтэй уялдуулан төсөвтэй холбоотой бусад хуульд ч өөрчлөлт оруулахаар болсон
Төсвийн орлого ийнхүү буурч буй хэдий ч Сангийн сайд хүүхдийн мөнгө, цалин, тэтгэвэр, тэтгэмж зэрэг нийгмийн зайлшгүй зардлыг танахгүй гэдгийг онцолжээ. Төрийн үйл ажиллагаанд зайлшгүй шаардлагатай татаас, төлбөрүүдийг хэвээр хадгалах зарчмыг баримтлах болно гэж мэдэгдсэн юм.
Ийнхүү Засгийн газар төсвийн бодит байдлыг харгалзан хэмнэлтийн зохицуулалт, эрх зүйн өөрчлөлтүүдийг хамтад нь УИХ-д өргөн барихаар шийдвэрлээд байна.
Эх сурвалж: Сангийн яам.
