Монгол Улсын Ерөнхийлөгч У.Хүрэлсүхийн урилгаар эх оронд маань хүрэлцэн ирсэн Бүгд Найрамдах Узбекистан Улсын Ерөнхийлөгч Ш.Мирзиёевийн төрийн айлчлал үргэлжилж байна.

Айлчлалын хүрээнд хоёр орны төрийн тэргүүн У.Хүрэлсүх, Ш.Мирзиёев нар, мөн тэдний гэргий Л.Болорцэцэг, З.Мирзиёева нарын хамт Их тэнгэр цогцолборт ард түмний найрамдал, нөхөрлөлийг илэрхийлэн дурсгалын мод тарилаа.

Талууд Монгол Улсын хэрэгжүүлж буй “Тэрбум мод” үндэсний хөдөлгөөн болон Узбекистаны “Ногоон орон зай” төслийг уялдуулан хэрэгжүүлэх талаар тохиролцсон нь хоёр орны байгаль орчны салбарын хамтын ажиллагааг шинэ шатанд гаргаж буй чухал үйл явдал боллоо.

Энэхүү санаачилга нь:

• Уур амьсгалын өөрчлөлттэй тэмцэх

• Цөлжилт, газрын доройтлыг бууруулах

• Ногоон хөгжил, экосистемийг сэргээх
  зорилгоор дэлхий нийтийн хүчин чармайлтад Монгол, Узбекистаны хамтын хувь нэмэр болох юм.

Эх сурвалж: Монгол Улсын Ерөнхийлөгчийн Тамгын газар