Өнөөдөр буюу 2025 оны 6-р сарын 18-ны Лхагва гарагт Монгол Улсын Их Хурал дахь хэд хэдэн ажлын хэсэг хуралдаж, тодорхой асуудлуудыг хэлэлцэнэ. Хуралдаанууд “Их засаг” танхим болон 334 тоот өрөөнд болно.

"Их засаг" танхимд болох хуралдаанууд

• 10:00 цагт: Хууль зүйн байнгын хороо

  • Эрүү шүүлт тулгах гэмт хэргийн хохирогчийг хамгаалах, зөрчигдсөн эрхийг сэргээх, эрүүл мэнд, нийгэм, сэтгэл зүй, эд хөрөнгийн тусламж үйлчилгээ үзүүлэх, нөхөн төлбөр олгох талаар судалж, санал, дүгнэлт гаргах, шаардлагатай бол хохирол барагдуулах үйл ажиллагааны тухай хууль тогтоомжийн төсөл боловсруулах үүрэг бүхий ажлын хэсгийн хуралдаан болно.

• 12:00 цагт: Аж үйлдвэржилтийн бодлогын байнгын хороо

  • Хил орчмын худалдаа, бүс нутгийн аж үйлдвэржилтийн өсөлт, хамтын ажиллагааг эрчимжүүлэх чиглэлээр төрөөс баримталж буй бодлого, үйл ажиллагааны талаарх хууль тогтоомжийн хэрэгжилтэд хяналт тавих, үр дүнг тооцох, үйл ажиллагааг эрчимжүүлэх, бодлогын дэмжлэг үзүүлэх хүрээнд холбогдох санал, дүгнэлт гаргах, шаардлагатай тохиолдолд шийдвэрийн төсөл боловсруулах үүрэг бүхий ажлын хэсгийн хуралдаан хуралдана.

• 14:00 цагт: Аж үйлдвэржилтийн бодлогын байнгын хороо

  • Үйлдвэрлэл, технологийн паркийн эрх зүйн байдлын тухай хуулийн хэрэгжилт болон үйлдвэрлэл, технологийн паркуудын үйл ажиллагаатай танилцах, санал, дүгнэлт гаргах, шийдвэрийн төсөл боловсруулах үүрэг бүхий хянан шалгах ажлын хэсгийн хуралдаан болно.

334 тоот өрөөнд болох хуралдаанууд

• 12:00 цагт: УИХ-ын даргын 2024 оны 79 дүгээр захирамжаар байгуулагдсан ажлын хэсэг

  • Ундны ус, ариун цэврийн байгууламжаар хангагдах эрхийн хэрэгжилттэй танилцаж, санал, дүгнэлт гаргах, эрх зүйн орчныг боловсронгуй болгох санал боловсруулан танилцуулах үүрэг бүхий ажлын хэсгийн хуралдаан болно.

• 14:00 цагт: УИХ-ын даргын 2024 оны 156 дугаар захирамжаар байгуулагдсан ажлын хэсэг

  • Хиймэл оюун ухааныг ашиглан хууль, хууль хоорондын зөрчил, хийдэл, давхардлыг арилгах шийдэл боловсруулж, нэвтрүүлэх асуудлаар санал, дүгнэлт гаргах үүрэг бүхий ажлын хэсгийн хуралдаан хуралдана.

• 16:00 цагт: УИХ-ын даргын 2024 оны 82 дугаар захирамжаар байгуулагдсан ажлын хэсэг

  • Жижиг, дунд үйлдвэр, үйлчилгээг дэмжих тухай хуулийн хэрэгжилттэй танилцаж, бичил үйлдвэр, үйлчилгээ эрхлэгчдийг дэмжих тогтолцоог оновчтой болгох чиглэлээр санал, дүгнэлт гаргах, холбогдох хуулийн төсөл боловсруулах үүрэг бүхий ажлын хэсгийн хуралдаан болно.

Эх сурвалж: УИХ-ын Тамгын газар