Өнөөдөр 12.00 цагт зарлагдсан УИХ-ын чуулганы хуралдаан товлосон цагаас хоёр цагаар хоцорч эхлэв. Чуулганаар Ерөнхийлөгч У.Хүрэлсүхийн санал болгосноор Гомбожавын Занданшатарыг Ерөнхий сайдад томилох асуудлыг хэлэлцэж байна.
Хуралдааны эхэнд Ерөнхийлөгч У.Хүрэлсүх Г.Занданшатарыг Ерөнхий сайдыг томилуулах саналаа танилцуулж, УИХ-д мэдээлэл хийлээ. Мөн Төрийн байгуулалтын байнгын хорооноос гаргасан санал дүгнэлтийг Ж.Бат-Эрдэнэ гишүүн танилцуулав. Байнгын хорооны гишүүдийн дийлэнх олонхийн саналаар Г.Занданшатарыг Ерөнхий сайдад томилохыг дэмжжээ.
Хэлэлцэж буй асуудалтай холбоотойгоор үг хэлж, асуулт асуухаар 68 гишүүн нэр өгөөд байна.
Гомбожавын ЗАНДАНШАТАР
ТӨГССӨН СУРГУУЛЬ, МЭРГЭЖИЛ
1987 онд
10 жилийн 77-р дунд сургууль
1992 онд
ОХУ-ын Эрхүү хотын Улсын Ардын Аж Ахуйн дээд сургуулийг Санхүү эдийн засагч
2012 онд
ОХУ-ын Байгалийн Эдийн засаг, эрх зүйн улсын их сургууль
АЖИЛЛАСАН БАЙДАЛ
1992-1995 онд
Зах зээлийн коллеж (ХҮДС) Маркетинг бизнес судалгааны төвд судлаач, Санхүү-Эдийн засгийн тэнхимд багш
1995-1998 онд
Хөдөө Аж Ахуйн банк Эдийн засагч, Валютын хэлтсийн ажилтан, бүтцийн өөрчлөлтийн менежер, Валютын хэлтсийн захирал
1998-2000 онд
Монгол Банк Сургалтын төвийн менежер, Хөдөө Аж Ахуйн банканд Монгол банкны бүрэн эрхт төлөөлөгч, Эрх хүлээн авагчийн багийн гишүүн
2000-2003 онд
ХААН Банк Дэд захирал
2003-2004 онд
Монгол Улсын Хүнс Хөдөө аж ахуйн дэд сайд
2004-2008 онд
Монгол Улсын Их Хурлын гишүүн
2008-2012 онд
Монгол Улсын Их Хурлын гишүүн
2009-2012 онд
Гадаад харилцааны сайд
2012-2013 онд
Монгол Ардын Намын Ерөнхий нарийн бичгийн дарга
2013-2015 онд
АНУ-ын Стэнфордын их сургуулийн Хөгжил, Ардчилал Хуулийн засаглалын хүрээлэнд судлаач
2016-2020 онд
Монгол Улсын Их Хурлын гишүүн
2017-2019 онд
Монгол Улсын Засгийн газрын гишүүн, Монгол Улсын сайд, Засгийн газрын Хэрэг эрхлэх газрын дарга
2019-2020 онд
Монгол Улсын Их Хурлын дарга
2020-2024 онд
Монгол Улсын Их Хурлын гишүүн
2020-2024 онд
Монгол Улсын Их Хурлын дарга
ШАГНАЛ
2009 онд
“Алтангадас” одон
2011 онд
“Онц бөгөөд бүрэн эрхт элчин сайд”
ГАДААД ХЭЛ
Орос, Англи
