УИХ-ын гишүүн Д.Цогтбаатар байнгын хорооны хурал дээр хотын дарга Х.Нямбаатарыг хатуухан шүүмжилжээ.

Д.Цогтбаатар:

-"Хэдхэн хоногийн өмнө Ерөнхийлөгч "Хүн биш хууль засагладаг улс байна" гэж хэлсэн. Гэтэл энд таван төлгөн комунист суучихсан, хотын гудамжаар хүн загинаж явдаг саарал хувцастай дарга шигээ болчихжээ. Иргэдтэйгээ ямар ч харилцаа байхгүй. Хүн болгон Улаанбаатар.мн сайт руу орж та нарт санал өгөөд сууж байх уу. Таван даргын машин түгжрэл, тансаглал мөн үү. Иргэд яахаараа та нараас асууж байж машин унах ёстой юм бэ.

Э.Бат-Үүл дарга чинь цэцэг алагласан хот хүлээлгэж өгсөн. Одоо хаана байгаа юм. Бүгдээрээ түгжрэлтэй, стресстэй, утаандаа хордож үхэж байна" гэв.

Харин хотын дарга Х.Нямбаатар өөрийн цахим хуудсаар дамжуулж, Д.Цогтбаатар гишүүний шүүмжлэлд хариу өгсөн байна.

Х.Нямбаатар:

-"Цэцэг алагласан хот үлдээгээд явсан гэнэ үү. Нэг наст цэцгээр нийслэлчүүдийн нүдийг хуурч нэгэн үеэрээ түгжирч амьдрах хотыг хэн үлдээсэн бэ. Дахин төлөвлөлт нэрээр зах замбараагүй, төлөвлөлтгүй газар олгож Натур, Голдэн Парк, Дөлгөөн нуур, Яармаг гэх бетонон ширэнгүүд бий болох нөхцөлийг хэн үлдээсэн бэ. Өнөөдөр томроод байгаа Д.Цогтбаатар гишүүн энэ улс нийслэлийн хөгжилд ямар хувь нэмэр оруулсан юм. Хөгжлийн банкны хэргээр шүүхээс ял авсан гэж дуулдсан. Багахан шиг попроорой гэж хэлье. Цэцгийг үгүйсгэхгүй. Өдөр шөнийн агаарын дулааны хэлбэлзэл тав, зургадугаар сарын эхээр өндөр байдаг тул, шөнөдөө хүйтэрч нэг наст цэцэг үхчихдэг. Зургадугаар сарын 15-20-ны хооронд тарилт эхэлдэг" гэсэн байна.