БНСУ-ын Тэгү хотноо энэ оны тавдугаар сарын 28-31-нд зохион байгуулагдсан “Галын болон аюулгүй байдлын олон улсын үзэсгэлэн”-д Онцгой байдлын ерөнхий газрын дарга, хошууч генерал Г.Ариунбуян тэргүүтэй төлөөлөгчид амжилттай оролцлоо.
Уг үзэсгэлэнд дэлхийн 40 орны 389 компани оролцож, нийт 1397 үзэсгэлэнгийн талбайд сүүлийн үеийн техник, технологи, бүтээгдэхүүн, үйлчилгээ болон гамшгийн эрсдэлийг бууруулах олон улсын туршлагыг танилцуулсан юм.
Үзэсгэлэнгийн үеэр Монгол Улсын Онцгой байдлын ерөнхий газар болон БНСУ-ын Үндэсний гал түймэртэй тэмцэх газар хооронд “Гамшгийн хариу арга хэмжээний хамтын ажиллагааг бэхжүүлэх тухай” санамж бичиг байгуулсан нь хоёр орны хамтын ажиллагаанд шинэ хуудсыг нээсэн чухал үйл явдал боллоо.
Мөн төлөөлөгчид:
-
Сөүл хотын Гамшгаас урьдчилан сэргийлэх нэгдсэн төв
-
Гёнги мужийн Галын албаны академи
-
Иргэдийн аюулгүй байдлын сургалтын төв
-
Үндэсний аврах алба зэрэг байгууллагуудын үйл ажиллагаатай танилцаж, туршлага солилцсон байна.
Түүнчлэн БНСУ-ын Галын хүрээлэнгээс зохион байгуулсан олон улсын семинарт оролцож, судалгаа, технологийн шинэ хандлагуудыг хуваалцсан нь гамшгаас хамгаалах салбарт шинэлэг санаа, хамтын ажиллагааны боломжийг өргөтгөсөн уулзалт болсныг ОБЕГ онцлон тэмдэглэлээ.
Эх сурвалж: Онцгой байдлын ерөнхий газар
