УИХ дахь АН-ын бүлгийн хуралдаанаас гарсан шийдвэрийн талаар АН-ын дарга Л.Гантөмөрөөс тодруулжээ.
АН-ын дарга, Тэргүүн Шадар сайд Л.Гантөмөр:
-Ерөнхий сайдын тухайд энд би элдэв юм хэлэх нь жудаггүй хэрэг болно. Монгол Улсын эрх ашиг нэгд гээд, Баялгийн сангаа бий болгохыг зориод, мега төслүүдээ хөдөлгөе гэж олон шуурганы дундуур хамтдаа зүтгэчихээд би өнөөдөр Ерөнхий сайдын тухай ийм тийм гэж ярих нь жудаггүй хэрэг болно. Тийм жудаггүй байдлыг надаас битгий шаардаарай гэж та бүхнээс хүсье. Одоогоор найман сайд огцрох өргөдлөө өгсөн, МАН-тай хамтарч ажиллах боломжгүй. Гарсан шийдвэр бол энэ л байна.
