Монгол Улсын Их Хурлын 2025 оны тавдугаар сарын 29-ний өдрийн нэгдсэн хуралдаан "Их хуралдай" танхимд 10:00, 14:00 цагуудаас эхлэн хуралдахаар товлогдсон бөгөөд дараах асуудлуудыг хэлэлцэнэ:

10:00 цагт эхлэх хуралдаанаар:

• Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуулийн төсөл болон хамт өргөн мэдүүлсэн УИХ-ын тогтоолын төсөл (эцсийн хэлэлцүүлэг, асуулт хариултад 90 минут зарцуулахаар төлөвлөсөн)

• “Монгол Улсын хөгжлийн 2026 оны төлөвлөгөө батлах тухай” УИХ-ын тогтоолын төсөл (гурав дахь хэлэлцүүлэг)

14:00 цагт эхлэх хуралдаанаар:

• “Эрчим хүч-3 төсөл”-ийг хэрэгжүүлэх Монгол Улс болон Олон улсын сэргээн босголт, хөгжлийн банк хоорондын зээлийн хэлэлцээрийг соёрхон батлах тухай хуулийн төсөл

• Зөвшөөрлийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн бусад хуулийн төслүүд (эцсийн хэлэлцүүлэг, асуулт хариултад 60 минут төлөвлөсөн)

Хуралдаан бүрэн бүрэлдэхүүнтэйгээр, танхимаар зохион байгуулагдана.

Эх сурвалж: УИХ-ын Тамгын газар