2025 оны тавдугаар сарын 28-нд болсон Засгийн газрын ээлжит хуралдаанаар Монгол Улсын Ерөнхий сайдад итгэл хүлээлгэх тухай УИХ-ын тогтоолын төслийг хэлэлцэн дэмжиж, УИХ-д өргөн барихаар шийдвэрлэлээ.

Энэхүү шийдвэр нь Засгийн газрын 2024–2028 оны үйл ажиллагааны хөтөлбөрт туссан:

• Үндэсний баялгийн сан байгуулах,

• Хөгжлийн 14 мега төслийг хэрэгжүүлэх,

• Эрчим хүчний салбарын шинэчлэл хийх,

• Бүсчилсэн хөгжилд суурилсан бодлого хэрэгжүүлэх
  зорилтуудын хэрэгжилтийг эрчимжүүлж, бодит үр дүн гаргах,
  цаашлаад дэвшүүлсэн бодлого, зорилтоо хамтын хариуцлагад суурилан тогтвортой хэрэгжүүлэх шаардлагатай хэмээн Засгийн газар үзсэнтэй холбоотой юм.

Ийнхүү Үндэсний хөгжлийн стратегийг тууштай, үр дүнтэй хэрэгжүүлэхийн тулд Ерөнхий сайдад итгэл үзүүлэх улс төр, институцийн баталгаа чухал гэж үзжээ.

Эх сурвалж: Засгийн газрын хэвлэл мэдээлэл, олон нийттэй харилцах газар