Өнөөдөр буюу 2025 оны тавдугаар сарын 28-нд Монгол Улсын Их Хурлын хэд хэдэн байнгын хорооны хуралдаанууд товлогджээ. Хуралдаанууд “Жанжин Д.Сүхбаатар”, “Их засаг”, “Үндсэн хууль”, “Их Эзэн Чингис хаан” гэсэн танхимуудад явагдах бөгөөд дараах асуудлуудыг хэлэлцэхээр төлөвлөсөн байна.

• Төрийн байгуулалтын байнгын хороо 10:30 цагт хуралдаж, нэр дэвшигчийн сонсголын тов болон сонсгол даргалагчийг сонгох тухай тогтоолын төслийг хэлэлцэнэ.

• Төсвийн байнгын хороо 11:00 цагт Монгол Улсын 2026 оны төсвийн хүрээний мэдэгдэл болон 2027-2028 оны төсвийн төсөөллийн тухай хуулийн төслийг эцэслэн хэлэлцэнэ.

• Төрийн байгуулалт болон Инновац, цахим бодлогын байнгын хорооны хамтарсан хуралдаан 12:00 цагт УИХ-ын даргын захирамжаар байгуулагдсан ажлын хэсгийн санал, холбогдох байгууллагуудын мэдээллийг сонсоно.

• Аюулгүй байдал, гадаад бодлогын байнгын хороо 13:00 цагт "Эрчим хүч-3 төсөл"-ийн Зээлийн хэлэлцээр болон ажлын хэсэг байгуулах тухай тогтоолын төслийг хэлэлцэнэ.

• Эдийн засгийн байнгын хороо 14:00 цагт Зөвшөөрлийн тухай хуулийн нэмэлт өөрчлөлт болон “Монгол Улсын хөгжлийн 2026 оны төлөвлөгөө”-г гурав дахь хэлэлцүүлэгт бэлтгэнэ.

• Инновац, цахим бодлогын байнгын хороо 14:30 цагт ажлын хэсгийн бүрэлдэхүүний өөрчлөлт болон цахим хөгжлийн талаарх сайдын мэдээлэл, хүний эрхийн илтгэлийг сонсоно.

• Байгаль орчин, хүнс, хөдөө аж ахуйн байнгын хороо 15:00 цагт Байгаль орчинд нөлөөлөх байдлын үнэлгээ, малын генетик нөөц, хаврын төллөлтийн дүнгийн талаар хэлэлцэнэ.

Түүнчлэн Боловсрол, соёл, шинжлэх ухаан, спортын байнгын хороо 10:00 цагт “Нийгмийн хариуцлага ба хөрөнгө оруулалт” сэдвээр хэлэлцүүлэг зохион байгуулна.

Эх сурвалж: Parliament.mn