МАН-ын дарга, Ерөнхий сайд Л.Оюун-Эрдэнэ болон түүний гэр бүлийн орлогыг шалгуулахаар "Орлогоо Нотол" жагсаал нийслэлийн төв талай дээр ес дэх өдрөө үргэлжилж байна. Үйл явдлын "гол баатар" болсон Ерөнхий сайд Л.Оюун-Эрдэнийн хүү О.Тэмүүлэн өнөөдөр АТГ-т ирж мэдүүлэг өгчээ.

Сануулахад, Ерөнхий сайд Л.Оюун-Эрдэнийн том хүү О.Тэмүүлэн өөрийн найз бүсгүйдээ гэрлэх санал тавихдаа ОБЕГ-ын эзэмшилд байдаг нисдэг тэргийг хөлөглөн тансаг зэргийн амралтын газарт очиж, найз нөхдийн хамт зугаацсан, мөн Монголд хоёрхон ширхэг байдаг тэрбум төгрөгийн үнэтэй тансаг зэрэглэлийн автомашин, очир эрдэнийн бөгж болон өндөр үнэтэй брэнд бүтээгдэхүүнээр бэлэг барьсан мэдээ соошил орчинд цацагдсан.

Иргэдийн зүгээс энэ үзэгдлийг эсэргүүцэж "ОРЛОГОО НОТОЛ" эсэргүүцлийн жагсаалыг нийслэлийн төв талбайд эхлүүлээд байгаа. Гэвч МАН-ын дарга, Ерөнхий сайд Л.Оюун-Эрдэнэ албан тушаалаа огцрох болсон нь "ОРЛОГОО НОТОЛ" хөдөлгөөнийг зогсоох үндэслэл болохгүй гэдгийг жагсагчдын зүгээс илэрхийлсээр байна.