Өмнөговь аймаг 2025 оны дөрөвдүгээр сарын байдлаар орон нутгийн төсвийн орлогод 721.7 тэрбум төгрөг төвлөрүүлэх төлөвлөгөөтэй байсан ч одоогийн байдлаар 483.4 тэрбум төгрөгийг бүрдүүлсэн байна. Энэ нь төлөвлөсөн хэмжээнээс 238.3 тэрбум төгрөгөөр буюу 31.1 хувиар дутуу үзүүлэлттэй байна.
Өмнөх оны мөн үеийнхтэй харьцуулахад төсвийн орлого 15.4 тэрбум төгрөгөөр буурч, 3.1 хувиар багассан бол харин зарлагын хэмжээ эсрэгээрээ 97.3 тэрбум төгрөгөөр өсч, 518 тэрбум төгрөгт хүрчээ. Энэ нь 2024 оны мөн үеийнхээс 24.1 хувийн өсөлттэй үзүүлэлт болж байна.
Түүнчлэн орон нутгийн төсвийн байгууллагын нийт зарлага, санхүүжилтэд 1 их наяд 52.1 тэрбум төгрөг төлөвлөснөөс 500.8 тэрбумыг зарцуулж, 47.6 хувийн гүйцэтгэлтэй байгааг Өмнөговь аймгийн Статистикийн газраас мэдээлэв.
Эх сурвалж: Өмнөговь аймгийн Статистикийн газар
